Foto: ashyq derekkóz
О́tken jylytý maýsymy kezinde «QAZAQGAZ AIMAQ» AQ Almaty óndiristik fılıalyna Almaty qalasynyń gaz tutynýshylarynan gaz taratý jelilerindegi gaz qysymynyń álsiz bolǵany týraly habarlamalar kóp túsken. Osyǵan oraı, gaz tasymaldaý júıesiniń jumysyn qalypqa keltirý jáne tutynýshylardy «kógildir otynmen» úzdiksiz jáne qaýipsiz qamtamasyz etý úshin, sondaı-aq aldaǵy jylytý maýsymynyń turaqty ótýi úshin gaz ýaqytsha óshiriledi.
Sondaı-aq Almaty óndiristik fılıalyna jeke qurylys-montajdaý kompanııalarynan jańadan salynǵan ortasha qysymdy jerústi gaz qubyryn jumys istep turǵan jerústi gaz qubyryna qosý jumystaryn oryndaý qajettigi týyndaǵan. Osyǵan baılanysty, 25-26 maýsym kúnderi Bókeıhanov kóshesinde ornalasqan 420 jeke úı, 51 ónerkásiptik mekemesi gazdan ýaqytsha ajyratylady.
Sondaı-aq joǵaryda atalǵan jumystarǵa qatysty 27 maýsym kúni Kemel shaǵynaýdany Jolymbet kóshesinde 556 jeke úıde gaz ýaqytsha óshiriledi.
Jóndeý jumystary aıaqtalǵan soń gaz birden qosylady. Bul jumystardyń barlyǵy aldaǵy jylytý maýsymyna daıyndyq aıasynda, kestege saı oryndalady.
Qyrmyzy JUMAǴALIQYZY,
EUÝ stýdenti
