Jýrnalıst quqy eskerildi

Bas redaktorlar klýby elimizdiń túkpir-túkpirindegi áriptesterimizdiń pikirlerin jınap, «Mass-medıa týraly» zańǵa qatysty usynystaryn bildirgen bolatyn. Jańa zańda solardyń 60 paıyzǵa jýyǵy eskerilgenin kórip otyrmyz.

Burynǵy BAQ jáne teleradıo habarlaryn taratý týraly zańdar aldaǵy ýaqytta kúshin joıyp, olardyń ere­je­leri negizinde qabyldanǵan jańa zań óz kúshine enedi. Bul zańda kóptegen tyń erejeler qarastyrylǵan. Biz Bas redaktorlar klýbynda ótken talqylaýlarda jýr­nalıst múddesiniń, quqynyń eske­rilýine erekshe mán berdik.

«Mass-medıa» túsinigi BAQ-qa qara­ǵanda anaǵurlym keń ári aý­qymdy. Buǵan ınternet-resýrs­ta­ry da enip otyr. Soǵan oraı bir­yńǵaı platforma qurylady. Sondaı-aq memlekettik emes BAQ-qa grant­tar berý, akkredıtteýdi je­­ńil­detý máselesi, t.b. qaras­ty­ryl­­dy.

Jýrnalıster úshin qosymsha quqyq­tyq kepildikter belgilendi. Ásirese bir qýanatyn jańalyq – jýrnalıstiń erekshe mártebesi degen uǵym enip otyr. Biz usynystarymyzda da osy máselege ekpin berip aıtqan edik. О́ıtkeni jýrna­lıst – ne memlekettik qyzmetshi emes, ne bıýdjettik sala qyzmetkeri emes, ortada qalyp qoıǵan esh salaǵa qatysy joq maman bolatyn. Budan bylaı olardyń bostandyqtary men quqyqtary zańmen qorǵalady. Buny jýrnalıstiń mártebesi dep túsiný kerek. Al buǵan deıin naqty mártebesi bolmaǵandyqtan, kóptegen sheneýnik jýrnalıspen júre sóılesetin edi. Sonymen qatar sheteldik BAQ jýrnalısterin akkredıtteý tártibi de jetildirildi. Buny da osy zańnyń artyqshylyqtarynyń bir dep qaraý kerek.

Taǵy bir úlken jetistik – BAQ tarapynan memlekettik organdarǵa berilgen suraqtardy qaraý merzimi 7 kúnnen 5 kúnge qysqardy. Endi áriptesterimiz joldaǵan saýalyna bir apta sarylyp jaýap kútip júrmeıdi. Bul óz kezeginde aqparattyń ózektiligi joıylmaýyna da septigin tıgizedi.

Zańda jýrnalısterdiń qu­qy­n­­ qor­ǵaıtyn qoǵamdyq keńester qurý­ týraly aıtylǵan. Bul uıym­dar res­pýb­lıkalyq jáne oblys­tyq deń­­­geı­lerde qurylady. Olar­dyń negizgi qyzmeti ne? Qazir, shy­ny kerek, biraz áriptesimiz «tıse terekke, tımese butaqqa» dep aýzyna kelgendi jaza beretin bol­dy. Muny ásirese blogerler­den baıqap júrmiz. Osyǵan oraı bul keńesterde jýrnalıster­ge arnalǵan ádep kodeksin ázir­leý­ge baılanysty máseleler qaras­ty­ryl­maq.

«Mass-medıa týraly» zańda bu­dan ózge de biz kópten kútken ja­ńa­shyldyq qamtylyp otyr. So­nyń biri – memlekettik tili­miz­diń qoldanylý aıasyn keńeıtýge qa­tysty. Otandyq BAQ-ta mem­le­ket­tik tildegi kontenttiń úlesi 50 pa­ıyz­dan 60 paıyzǵa ulǵaıtylady. Biz 70 paıyzǵa kóbeıtýdi usynǵan edik. Biraq Parlamentte 60 paıyz­ dep sheshim qabyldapty. Bul da ja­man kórsetkish emes. «Kósh júre túzeledi» degendeı, aldaǵy ýaqytta ol maqsatymyzǵa da je­ter­miz.

Muratbek TOQTAǴAZIN,

«Bas redaktorlar klýby» qoǵamdyq birlestiginiń vıse-prezıdenti