Bilim bólimi basshylyǵy men esepshilerdi qosa eseptegende, 41 adam kúdikke ilinip otyr. Oblystyq prokýratýranyń habarlaýynsha, qylmystyq áreketter 2021-2023 jyldar aralyǵynda jasalǵan.
- Tergeý barysynda aýdandyq bilim bóliminiń basshylyǵy men esepshileri ózderiniń, sondaı-aq týystary men tanystarynyń esep shottaryna belgilengen jalaqydan joǵary aqsha aýdarý arqyly bıýdjet qarajatyn jymqyrýdyń qylmystyq shemasyn jasaǵany anyqtaldy. 2021-2023 jyldar aralyǵynda memleketke 4 mlrd teńgeden astam zalal keltirilgen, - dep jazdy Túrkistan oblystyq prokýratýrasy.
Oblys prokýratýrasynyń arnaıy prokýrorlary 41 qyzmetkerdi, onyń ishinde eki bilim bóliminiń basshysyn, bir bas esepshi, eki orynbasardy jáne 36 esepshini kúdikti retinde tanydy.
- Aýdannyń burynǵy jáne qazirgi bilim bóliminiń basshylary ustaý ızolıatoryna jabylyp, sottyń sanksııasymen qamaýǵa alyndy. Qazirgi ýaqytta qylmystyq jolmen alynǵan aqshany jáne ózge de múlikti zańdastyrýdyń barlyq mán-jaılary men faktisin anyqtaýǵa baǵyttalǵan tergeý áreketteri júrgizilýde. О́zge aqparattar QPK 201-babynyń talaptaryna sáıkes jarııalanýǵa jatpaıdy, - delingen vedomstvo habarlamasynda.
