Kezdesýge qatysýshylar mádenı murany saqtaý jáne nasıhattaý máselelerin onlaın túrde talqylady.
Nurtóre Júsip óz sózinde Mahtýmkýlı Fragıdiń shyǵarmashylyq murasy Ortalyq Azııadaǵy barlyq halyqtardyń mádenı murasy ekenine toqtaldy jáne álemdik ádebıet tarıhyna jazylǵanyn atap ótti. Depýtat sonymen qatar Qazaqstan men Túrkimenstan arasyndaǵy yntymaqtastyq dostyq pen tatý kórshilikke, ǵasyrlar boıǵy tarıhı baılanystarǵa negizdelgenin jetkizdi.
«Qazaqstan men Túrikmenstan ǵasyrlar boıy rýhanı tamyry bir ortaq tarıhpen, dostyq jáne tatý kórshiliktiń izgi dástúrimen, ózara yntymaqpen tyǵyz baılanysyp keledi. Búgingi tańda eki eldiń Parlamentteri, Úkimetteri men memlekettik organdary arasyndaǵy ózara belsendi is-qımyldy ekijaqty qatynastardy nyǵaıtýǵa yqpal etýde. Mádenı-gýmanıtarlyq saladaǵy baılanystar ózara is-qımyldyń mańyzdy quramdas bóligi ekeni daýsyz, al qazaq jáne túrikmen dıasporalary baılanystyrýshy býyn bolyp qala beredi», - dedi Nurtóre Júsip.
Sharaǵa О́zbekstan, Tájikstan, Qyrǵyzstan jáne Iran depýtattary da qatysty.
