Foto: Túrki Akademııasynyń baspasóz qyzmeti
Konferensııanyń ashylý saltanatyna Túrki Akademııasynyń prezıdenti Shahın Mustafaev, Qyrǵyz Respýblıkasynyń Bilim jáne ǵylym Mınıstriniń birinshi orynbasary Bekjan Sýpanalıev, Túrki memleketteri uıymynyń Bas hatshysy Kýbanychbek Omýralıev, Qyrǵyz Respýblıkasy Prezıdentiniń keńesshisi Arslan Koıchıev, Túrik lıngvıstıkalyq qoǵamynyń prezıdenti Osman Mert, Túrkııanyń IýNESKO isteri jónindegi ulttyq komıssııasynyń tóraǵasy О́djal Oǵyz jáne Qyrǵyz-túrik «Manas» ýnıversıtetiniń rektory Alpaslan Djeılan qatysty.
Jıynnyń maqsaty - Mahmud Qashqarıdyń «Dıýanı luǵat-at-túrk» atty eńbeginiń tarıhı mańyzdylyǵyn talqylaý. Qyrǵyzstan, Qazaqstan, О́zbekstan, Ázerbaıjan jáne Túrkııa elderinen jınalǵan túrkitanýshylar avtordyń ómirbaıany, «Dıýanı luǵat-at-túrk» týyndysynyń jazylý maqsaty, shyǵarmanyń tili, sonymen qatar eńbekte qamtylǵan tarıhı-etnografııalyq málimetter men ádebı materıaldar sekildi ǵylymı máselelerdi ortaǵa saldy. Ásirese shyǵarmanyń aýdarmalary men zertteýlerine jáne onyń túrki tilderiniń tarıhyn, qazirgi dıalektilerdi, ádebıetti, etnografııany, salystyrmaly til bilimin zertteýdegi mańyzdylyǵyna erekshe nazar aýdaryldy.
Is-sharanyń ashylý saltanatynda sóz sóılegen Túrki Akademııasynyń prezıdenti Shahın Mustafaev XI ǵasyrda jazylǵan Mahmud Qashqarıdyń shyǵarmasy túrki halyqtary men taıpalarynyń áleýmettik qurylymyn, geografııasyn, turmys-tirshiligin, nanym-senimderin, mıfologııasyn jáne halyq ádebıetin qamtıtyn túrki ensıklopedııasy bolyp sanalatynyn atap ótti. Sondaı-aq Sh.Mustafaev «Dıýanı luǵat-at-túrktiń» túrki halyqtary ıntegrasııasynyń ǵylymı-mádenı negizin qamtamasyz etýdegi mańyzdylyǵyna egjeı-tegjeıli toqtaldy.
«Bul jıyn osy saladaǵy jańa zertteýlerdiń kókjıegin keńeıterine senim bildiremin», dedi Sh.Mustafaev.
Konferensııa túrkitanýshylarǵa Mahmud Qashqarı murasyn tereń talqylaýǵa jáne ózara pikir almasýǵa erkin alań qamtamasyz etken ınteraktıvti pikirtalas pen prezentasııa formatynda ótti. Osylaısha, qatysýshylar basqosýdyń túrki memleketteriniń ǵylym men mádenıet salasyndaǵy yntymaqtastyǵyn nyǵaıtýdaǵy mańyzdylyǵyn eskerdi.
