HR ınstıtýty: Mamandy basqarýdyń jańa ádisi

Qazir elimizdegi memlekettik qyz­­met­tegi HR ınstıtýtta­ry jasandy ıntellekt qol­da­na bastady. Prezıdent janyndaǵy Mem­lekettik basqarý akademııasy HR ıns­tı­týtynyń basshysy Rýstam Mýsınniń aı­týynsha, jasandy ıntellekt adamnyń quzy­rettilikterin baǵalap, saraptaýǵa kómektesedi. Sondaı-aq is-qımylyna, daýys yrǵaǵyna da baǵa beredi. Ásirese bul ádis ýaqytty únemdeıdi, óıtkeni júzdegen úmitkerdi bir ýaqytta baǵamdaı alady.

«Biz búgingi kúni E-kyzmet aqparattyq júıesinde jyldar boıy jınaqtalǵan úlken derektermen (big data) jumys istep, quzyrettilikterdi anyqtaýdyń tıimdi joldaryn zerttep jatyrmyz. Naqty aıtsaq, 150-den astam adamnyń derekteri bar. Jasandy ıntellekt táýekel aımaqtaryn anyqtaýǵa da kómektesedi. Máselen, kimdi alǵa qaraı umtyldyrý qajet, kimde qandaı daǵdylar bar, qandaı quzyretterdi damytý kerek sekildi adam múmkindikterin tanýǵa úles qosady», dedi R.Mýsın.

Memlekettik qyzmet isteri agentti­gi­niń tóraǵasy Darhan Jazyqbaı árbir memlekette talantty qyzmetkerler úshin kúres, jasandy ıntellekt jáne HR keńistigin transformasııalaý dáýirinde adam kapıtalyn damytýdyń mańyzy zor ekenin aıtady.

«Memlekettik qyzmetti transformasııalaýda basty nazar memlekettik qyzmettiń kadrlyq áleýetin nyǵaı­tý­ǵa, naqty sektordan jańa bas­qarý­shylardy tartýǵa aýdarylady. Osyǵan sáıkes biz qazir túrli salada júrgen kásibı mamandardy tartý maqsatynda memlekettik qyzmettiń gıbrıdti modelin qalyptastyrýǵa tyrysyp jatyrmyz», dedi Agenttik tóraǵasy.

HR salasynda úlken jetistikke jetken Ońtústik Koreıanyń KIPA Prezıdenti Sanhan Choı saıası sheshim qabyldaıtyn tulǵalardyń qoǵamdyq kóshbasshylyǵy týraly baıandady.

«Koreıanyń memlekettik basqarý ınstıtýty Premer-mınıstr janynda qurylǵan, Ulttyq zertteý ınstıtýty dep atalady. Al KIPA ǵylymı zertteý ınstıtýty ınnovasııany, uıym­dastyrýshylyq dızaındy, úkimettiń tıimdiligin baǵalaýdy, retteýdi, apattar qaýipsizdigin, janjaldardy basqarýdy jáne qoǵamdyq kóshbasshylyqty zertteıdi. Qazirgi ýaqytta 50-ge jýyq PhD men 100-ge jýyq PhD dárejesine úmitker bar. Meniń Qazaqstanǵa kelý sebebim Ortalyq Azııadaǵy memlekettik qyz­met­kerlerdiń múmkindikterin baǵam­daý bolatyn. Aldaǵy ýaqytta Mem­le­kettik basqarý akademııasymen Orta­lyq Azııadaǵy basshylyq qyzmettegi adam­dardyń áleýetin arttyrýdyń túrli baǵ­dar­lamasyn ázirleý josparda bar, sol úshin zertteý kezeńinde birlesip jumys isteýge shaqyramyn», dedi Sanhan Choı.

Akademııa rektory Erlan Ábil bıyl Memlekettik basqarý akademııasynyń personaldy adam resýrstaryn basqarý salasyndaǵy Ulttyq standarttardyń talaptaryna sáıkestikti sertıfıkattaý jónindegi ulttyq akkredıtteý ortalyǵy tarapynan akkredıttelgenin málimdedi. Sondaı-aq ol Memleket basshysynyń memlekettik qyzmetti damytý jónindegi tapsyrmalaryn iske asyrý maqsatynda Memlekettik qyzmet isteri agenttigimen birlesip «Qazaqstan Respýblıkasy memlekettik qyzmetiniń qazirgi zamanǵy modelindegi strategııalyq HR» ujymdyq monografııasyn ázirlegenin jetkizdi. Monografııada memlekettik qyzmettegi adam resýrstaryn uzaqmerzimdi basqarý máseleleri, sondaı-aq Qazaqstannyń memlekettik basqarý júıesin jańǵyrtý konteksinde osy salany damytý keleshegi qamtylǵan.

«Monografııa memlekettik qyz­met­tegi adam resýrstaryn basqarý salasyn dá­ıekti túrde ashatyn tórt taraýdan turady. Avtorlar tutastaı alǵanda stra­tegııalyq HR-ǵa taldaý jasap, ozyq halyq­aralyq tájirıbe týraly derekterdi usyndy, sondaı-aq HR-ǵa irikteýdiń, ótkerýdiń jáne kásibılendirýdiń barlyq ele­ment­terin kórsetti. Kitapta bıýrokratııadan aryltý jáne klıentke baǵdarlanǵan servıstik memlekettik qyzmetti damytý, jańa uıymdyq mádenıetti qalyptastyrý kon­t­ek­stinde etıkany saqtaý máselelerine aıryqsha nazar aýdarylǵan», dedi Aka­me­dııa rektory.