«Taza beısenbi» aksııasyna qatysýshylar «Úbi» shıpajaıynyń mańyndaǵy «Densaýlyq joly» atty demalys alańyn aǵash qaldyqtary men qoqystan tazartty.
«Biz «Taza beısenbi» ekologııalyq aksııasy aıasynda Vyhdrıha aýlynyń «Úbi» shıpajaıy aınalasyna abattandyrý, tazalaý jumystaryn júrgizdik. «Densaýlyq joly» aýmaǵyn tazartý jumystary aksııa aıaqtalǵannan keıin de jalǵasyn tabatyn bolady. Bolashaq urpaqqa aıtarymyz, jerimizdi taza ustap, elimizdi kórkeıtý solardyń qolynda ekenin umytpasa eken», deıdi «Úbi» shıpajaıynyń dırektory Aıjan Muhamadıeva.
Shemonaıha aýdandyq máslıhatynyń depýtaty Inna Zaharovanyń aıtýynsha, «Amanat» partııasynyń qoldaýymen bastaý alǵan «Taza beısenbi» ekologııalyq aksııasy túgel jurttyń basyn qosyp, tazalyq jolynda judyryqtaı jumyldyrǵan. Osylaı olardyń árqaısysy tabıǵattyń tazalyǵyna úlken úles qosyp keledi.
Aınaldyrǵan úsh-tórt saǵat ishinde shıpajaıdyń aýmaǵy tap-tuınaqtaı boldy. Bul aksııanyń utymdy tusy, jas ta, kári de aınalany lastamaýǵa, qoqys tastamaýǵa daǵdylanady.
Shyǵys Qazaqstan oblysy,
Shemonaıha aýdany
