Foto: aqmeshit-aptalygy.kz
Jarystyń ashylýynda oblystyq qoǵamdyq damý basqarmasynyń basshysy Almasbek Esmahanov BAQ ókilderiniń basyn qosqan týrnır maqsaty jýrnalıster arasyndaǵy áriptestik qarym-qatynasty nyǵaıtyp, salamatty ómir saltyn nasıhattaý ekenin atap ótti.
Týrnırdiń alǵashqy oıyny Jetisýdan kelgen tilshiler men shymkenttik jýrnalıster arasynda ótti. Byltyrǵy jeńimpaz Taldyqorǵannyń «Qareketi» bıyl da babynda eken. Odan keıingi oıynda túrkistandyq áriptestermen oınaǵan Qyzylordanyń «Aqmeshiti» basym tústi. «Atyraý-Aqparat» pen aqtóbelik jýrnalıster arasyndaǵy oıyn da tartysty ótti.
Dástúrli dodada «Qareket», «Atyraý-Aqparat», «Aqmeshit» jáne «Qalamger» komandalary iriktelip shyqty. Fınalda atyraýlyq áriptesterinen basym túsken «Qareket» komandasy Qyzylorda oblysy ákiminiń kýbogi úshin ótken respýblıkalyq týrnır chempıony atanyp, oblys ákiminiń arnaıy kýbogi men 1 000 000 teńge ıelendi.
Ekinshi oryn tuǵyryndaǵy «Atyraý-Aqparat» komandasyna 700 myń, qola júldeger atanǵan qyzylordalyq «Aqmeshit» komandasyna 500 myń, «Qalamger» komandasyna 150 myń teńge yntalandyrý syılyǵy tabystaldy.
Budan bólek jaqsy oıyn kórsetken áriptesterge «Úzdik shabýylshy», «Úzdik qorǵaýshy», «Úzdik qaqpashy» jáne «Úzdik oıynshy» atalymdary boıynsha arnaıy kýbok pen qarjylaı júldeler tapsyryldy.
QYZYLORDA
