Foto: Senat
«Qazaqstan Respýblıkasynyń keıbir zańnamalyq aktilerine memlekettik baqylaý men statıstıka, halyqty qorǵaý júıesin jetildirý, derekterdi basqarý, zańdy tulǵalardy tirkeý jáne artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» zań baǵdarlamalyq qamtamasyz etýdi ázirleý jáne satyp alý rásimin ońaılatýdy, ákimshilik derekkózderin belsendi paıdalanýdy kózdeıdi. Zań ortalyq jáne jergilikti atqarýshy organdardyń fýnksııalaryn qaıta bólý, sıfrlandyrý qarjysy esebinen respondentterdiń esepti júktemesin azaıtý arqyly halyqty áleýmettik qorǵaýdy jetildirýge baǵyttalǵan.
Senatorlar «Jylý energetıkasy týraly» zańǵa jáne ákimshilik quqyq buzýshylyq týraly kodekske engizilgen túzetýlerdi de talqylady. О́zgerister jańartylatyn energııa kózderin engizýge, tarıfterdi memlekettik retteý, jelilerge tehnıkalyq qyzmet kórsetý erejelerin buzǵany jáne jylýmen jabdyqtaý júıesine óz betinshe qosylǵany úshin jaýaptylyqqa baǵyttalǵan. Bul sharalar jylýmen jabdyqtaýdyń senimdiligi men únemdiligin arttyrýǵa, energııany óndirý men tutyný kezinde tıimdi baqylaýdy qamtamasyz etýge arnalǵan.
Parlamentshiler «Qazaqstan Respýblıkasynyń Úkimeti men Birikken Ulttar Uıymy arasyndaǵy Sıfrlyq ınklıýzııa jáne transformasııa jónindegi Azııa-Tynyq muhıty mınıstrlik konferensııasyn uıymdastyrý týraly kelisimdi ratıfıkasııalaý týraly» zańdy da qarady. Kelisim elimizdiń eksporttyq áleýetin arttyrady jáne IT-tehnologııalar salasyndaǵy qazaqstandyq sheshimderdi halyqaralyq deńgeıde kórsetýge múmkindik beretin bolady.
Komıtet otyrysynyń qorytyndysy boıynsha zańdardy Palata otyrysynyń qaraýyna jiberý týraly sheshim qabyldandy.
