UBT bastalǵaly 79 paıyzǵa jýyq talapker shekti baldy jınaǵan. Al jalpy batysqazaqstandyqtardyń ortasha kórsetkishi – 72 baldy qurapty. Budan buryn habarlaǵanymyzdaı, eń joǵary ball – 136. Onyń ıesi – Oral qalasyndaǵy «Abyroi school» jeke mektebin bitirýshi Quralaı Esenǵojına ekenin budan buryn habarlaǵan bolatynbyz.
Aıta keteıik, óńirdegi testileý ortalyqtarynda talapkerler úshin barlyq jaǵdaı jasalǵan. Sonyń ishinde erekshe qajettiligi bar úmitkerler úshin qolaıly jaǵdaı jasaýdyń arqasynda UBT-ǵa tórt aptanyń ishinde 20 erekshe talapker qatysypty. UBT bastalǵaly beri óńirde 5 adamnyń tarapynan ereje buzýshylyq anyqtalǵan. Bir talapker smartfon, shpargalka jáne basqa da tyıym salynǵan zatty alyp ótý áreketi saldarynan test tapsyrý múmkindiginen aıyryldy. Al testileý kezinde ereje buzǵany úshin aýdıtorııadan 4 adam shyǵarylyp, olardyń nátıjeleri joıylǵan.
Jalpy, Batys Qazaqstan oblysy boıynsha 6 381 adam bıylǵy UBT synaǵyna qatysý úshin tirkelgen bolatyn. Olardyń 75,3%-y qazaq tilinde, 24,7%-y orys tilinde, 1 adam aǵylshyn tilinde testileýden ótýge ótinish bildirgen.
Batys Qazaqstan oblysy
