Batys Qazaqstanda halyq azamattyq paryzǵa adaldyq tanytýda

ORAL. 26 sáýir. Búgingi Prezıdent saılaýy Batys Qazaqstan oblysy Aqjaıyq aýdany Býdarın aýyldyq okrýginde de belsendilikpen ótýde. Bul týraly atalǵan aýyldaǵy mádenıet úıiniń jetekshisi Nurbolat Sándibekovtiń sózine silteme jasap, egemen.kz tilshisi habarlady. Turǵyndardyń boıynan azamattyq paryzǵa adaldyq, elimizdiń jarqyn taǵdyryna áser etetin bul kúnge degen jaýapkershilik aıqyn sezildi. «Memleketimizdiń mereıi arta bersin, jaqsylyǵymyz baıandy bolsyn!» degen lebizder aıtyldy. «Halyqtyń belsendiligin kórip kóńilim qýanyp tur. 2004 jyly О́zbekstannan oralman retinde atajurtqa kelgen edik. Sodan beri memleketimizdiń, mańaıymyzdaǵy jurttyń qamqorlyǵyn kórip kelemiz. Byltyr respýblıkalyq «Mereıli otbasy» ulttyq baıqaýyna qatysyp, Elbasymyz Nursultan Nazarbaevpen júzdesý baqytyna ıe boldyq. Búgin Otannyń kórkeıe berýi jáne baqytymyzdyń baıandy bolýy úshin daýys berdik.», – deıdi Nurbol Sándibekov. Temir Qusaıyn. Derek: egemen.kz. Sýret: dknews.kz.