Foto: uab.cat
Biz mundaı belgisizdik kúıi men onyń paıda bolý sebebin zerttep, máseleni kóbirek qozǵaýymyz kerek. Sondyqtan kez kelgen aqparattyń naqty ári tushymdy bolýy mańyzdylyǵy odan ári artyp otyr. Jýrnalıstıkanyń ár salasynda qyzmet etetin mamandar bul jaýapkershilikti anyq túısinýi qajet.
Jalpy, álemde jýrnalısterge arnalǵan barlyǵy 400-ge jýyq Kásibı etıkalyq kodeks bar. Onyń basym bóligi túrli dástúrge negizdelgenimen, qundylyqtar júıesi ortaq. Ashyp aıtsaq, birinshisi – naqtylyq, ıaǵnı materıaldaǵy derekterdiń naqty bolýyn qadaǵalaýymyz mindetti. Ekinshisi – erkindik, jýrnalıster nasıhatpen aınalyspaı, kásibı standarttarǵa sáıkes jumys isteýge tıis. Úshinshi qaǵıdat – aqparattyń jan-jaqtylyǵyna zeıin qoıý, bir oqıǵa týraly baıandaǵanda osy ustanymdy basshylyqqa alýymyz kerek dep ózindik talap ne erejeni ustanǵany abzal. Tórtinshisi – adamgershilik qaǵıdaty. Biz ne istesek te, qoǵamdyq ustanymdardy alǵyshart retinde alyp, árekettengen durys. Besinshisi – jaýapkershilik. Eger de qandaı da bir qatelik jasaıtyn bolsańyz, jaýapkershilik alyp, keshirim suraý, zalal keltirgen jaǵdaıda jábirlenýshi tarappen sóılesken tıimdi. Osy qaǵıdalardy eskersek qana sapaly dúnıe jasaımyz.
Aıdan ÝAIT,
«Ethical Journalism Network» negizin qalaýshy jáne prezıdenti
