Foto: inbusiness.kz
Máselen, atalǵan tehnoparktiń qyzmetkeri Azamat Kúlenbaev startap jobalardyń elimizde jyldam damýyna naryq qana emes, adamdar da daıyn bolýy kerektigin aıtady.
«Shynymen de ony qoǵam men naryqqa engizý daıyndyǵy mańyzdy. Aldymen ınternet júıesine ár sala boıynsha aqparat engizý, izdenýshiniń jumysyn jeńildetý úshin málimetterdi kóbeıtý kerek. Qazir tehnologııa dáýiri desek te, bári de adam qolymen, oıymen jasalady. Sondyqtan da ınternet júıesin baıytýymyz kerek», dedi ol. Al startap jobalarynyń menedjeri Rýfına hanym qazir elimizde jasandy ıntellekt ártúrli startaptarǵa engizile bastaǵanyn jetkizdi.
«Mysaly naryqtyń damý zamanynda, ınvestorlardyń jumysyn jeńildetý úshin de «AI» kómekshi bola alady. Belgili bir mátindi óńdeýde de, oqýda da jasandy ıntellektini paıdalansa jumys jeńildeıdi. Aıtalyq, oqýshylardyń, stýdentterdiń bilim alý qabiletin arttyrý úshin, pedagogter, ǵalymdar arnaıy oqý baǵdarlamasyn qurastyryp engizse, dárigerler naýqaspen kózbe-kóz kezdespeı, belgili bir baǵdarlamalar arqyly jasandy ıntellekt negizinde alǵashqy medısınalyq nusqaý bere alady. Jasandy ıntellekti baǵdarlamasy bizde joq dep aıta almaımyz. Sebebi biz karantın kezinde jappaı onlaınǵa kóship, onyń alǵashqy jolyn úırendik. Qazir ony tek damytý qajet», dedi bilikti menedjer.
Qysqasy, startaptar men ınnovasııalyq jobalardy jetildirý arqyly elimiz jasandy ıntellektini paıdalaný men damytýda kóshbasshy bola alary anyq. Bastysy, ony qoldasaq, ekonomıkamyz odan ári damyp, azamattardyń ómir súrý sapasy jaqsara túsedi dep oılaımyn.
Dýlatı Eńsenov,
Astana IT ýnıversıteti jýrnalıstıka fakýltetiniń 3-kýrs stýdenti
