О́SKEMEN. 26 jeltoqsan. Shyǵys Qazaqstan oblysynda saılaý ýchaskesi komıssııasynyń músheleri densaýlyǵyna baılanysty úıde otyrǵan ardagerler men zeınetkerlerdiń daýysyn jınaýda. Bul týraly egemen.kz tilshisi habarlady.
О́skemen qalasyndaǵy Jibek matalar kombınaty yqshamaýdanynyń turǵyny Shernııaz Jamanbaev pen Sholpan Kábdikárimqyzy óz tańdaýlaryn jasady. Sátpaev dańǵylyndaǵy 14/3 úıde turatyn eńbek ardagerlerine №3 saılaý ýchaskesi komıssııasy tóraıymynyń orynbasary Rýlan Nysaınov kelip, qos qarııaǵa daýys berý bıýlletenderin usyndy.
Shernııaz aqsaqal 1932 jyly Shyǵys Qazaqstan oblysynyń Tarbaǵataı aýdanyndaǵy Shorǵa aýylynda týǵan. Atalǵan aýdandaǵy Krýpskaıa atyndaǵy kolhozdy qurýǵa atsalysqan, aýdannyń qurmetti azamaty. Zaıyby Sholpan Qabdikárimqyzy 1936 jyly Aqjar aýylynda dúnıege kelgen. «Kúmis alqa», «Altyn alqa» ıegeri atanǵan áje 8 balany dúnıege ákelip, 12 nemere men 4 shóbereniń qyzyǵyn kórip otyr. Derbes zeınetker. Qol ustasyp ǵumyr keshkenderine jarty ǵasyrdan asqan qos qarııa da tyl ardagerleri. «1954 jyldan bastap daýys berip kelemin. Buryn saılaý ýchaskelerine óz aıaǵymmen baryp daýys berýshi edim. Bıyl densaýlyǵym kótere almaıtyn bolǵandyqtan, saılaý ýchaskesine ótinish jazdym. Balalarymyzdyń búgingi baraqatty, bereketti ómiri men keleshegi úshin tańdaýymyzdy jasap, daýys berdik», dedi Sholpan áje.
Qarııalar daýys bergen bıýlletenderin arnaıy jáshikke saldy. Komıssııa tóraıymynyń orynbasary Rýlan Nysaınov keshke deıin óz ýchaskelerine tıesili 50 qarııanyń úıine baryp, daýystaryn jınap úlgerý qajettigin jetkizdi.
Dýman Anash.
Derek, sýret: egemen.kz
