Almaty oblysynda saılaý laıyqty ótip jatyr

TALDYQORǴAN. 26 sáýir. Jetisýlyqtar bul kúni ertelete saılaý ýchaskelerine asyqty. Beıqut zamanda konstıtýsııalyq quqyǵyna saı tól mindetin oryndaýshylar parasattylyq pen mádenıettilik tanytty. Bul týraly egemen.kz tilshisi habarlady. Saılaý ýchaskelerine kelip-ketýshiler myńdap sanalǵanymen adamdar arasyndaǵy syılasymdylyq, úlkenge kórsetilgen meıirimdilik pen kishige jasalǵan iltıpat kórgen jandy súısintti. «Qyzmet babyna oraı kópten beri osy saılaý naýqanyndaǵy jaýapty jumyspen aınalysyp júrmin. Osyǵan deıingi saılaýlarmen salystyrǵanda búgingi Qazaqstan Respýblıkasy Prezıdenttigine úmitkerlerdi saılaýǵa halyqtyń qatysý belsendiligi joǵarylap, mádenıettiliktiń tamasha ári úılesimdi qyryn kórsetti. Bul qýana quptarlyq jaıt. Búgin 26 sáýir kúni tańǵy saǵat 7:00-de Almaty oblysy boıynsha 883 saılaý ýchaskesi saılaýshylarǵa esikterin aıqara ashty. Mine, saǵat 12:00-de oblys boıynsha saılaýǵa qatysatyndyǵy anyqtalyp, tirkelgen 945 708 saılaýshylardyń 573 860 saılaýshylary, ıaǵnı, 60,68 paıyzy daýys berdi. Eldiń saılaýǵa degen belsendiliginiń artýy respýblıkamyzdaǵy áleýmettik-ekonomıkalyq jaǵdaıdyń jaqsarǵanyn jáne halyqtyń saıası belsendiliginiń kóterilgendigin kórsetedi», – deıdi Almaty oblystyq saılaý komıssııasynyń múshesi Shyraqbaı Jylqaıdarov. Nurbol Áldibaev. Derek, sýret: egemen.kz.