Ǵımarattyń qurylysy 2007 jyly aıaqtalǵan. Negizinen osy ortalyqtyń basty maqsaty tek Qytaı halqynyń ǵana emes, sondaı-aq shetelden kelgen qonaqtardyń nazaryn aýdartý edi. Erekshe dızaınynyń arqasynda joba óz maqsatyna jetti desek te bolady. Ǵımarat móldir áınekti skrıpkadan jáne kúısandyq pishinindegi eki bólikten quralǵan. Bir qyzyǵy, onyń áýen, yrǵaqqa eshbir qatysy joq. Munda qalalardyń damý jospary men keleshektegi ózgeristerine qatysty kórme ortalyǵy ornalasqan.
Astarly ǵımarat
MahaNakhon – Taılandtaǵy eń bıik ǵımarat. Onyń ataýy taı tilinen aýdarǵanda «megapolıs» degen maǵynany bildiredi.
Záýlim ǵımarattyń ishinde birneshe saýda, bıznes ortalyǵy men «Ritz-Carlton Residences» qonaqúıi bar. Syrtynan qaraǵanda ǵımarattyń qurylysy áli aıaqtalmaǵandaı kórinedi. Biraq onyń da óz sebebi bar eken. «Bul – eldegi jemqorlyqtyń belgisi sekildi», deıdi ǵımarattyń sáýletshisi Ole Sheren.
Alyp sebet
AQSh-tyń Ogaıo shtatynda qyzyqty arhıtektýralyq qurylym bar. Bul úı «Longaberger» atty sebet toqý kompanııasyna tıesili.
Shtab-páterdiń qurylys jobasyn kompanııanyń ıesi Deıv Longabergerý ózi oılap tapqan. Osylaısha, toqylǵan sebetter shyǵaratyn jergilikti zaýyt kreatıvti dızaınnyń arqasynda tez tanymal boldy. Aıta keteıik, 180 myń sharshy metrdi alyp jatqan alyp sebet úıi 1997 jyly salynǵan.
