Elimizde prezıdent saılaýy talapqa saı ótip jatyr

ASTANA. 26 sáýir. Respýblıkamyz boıynsha prezıdent saılaýy Konstıtýsııa talaptaryna saı ótip jatyr. Bas prokýratýranyń resmı ókili Nurdáýlet Súıindikov osylaı dedi. Bul týraly egemen.kz tilshisi habarlady. Nurdáýlet Súıindikov: «Saılaý komıssııalary men memlekettik organdar tarapynan eshqandaı zań buzýshylyq tirkelgen joq. Tek saılaý aldy úgit-nasıhat jumystary kezinde jekelegen azamattar tarapynan buzýshylyqtar oryn alǵan. Bul másele boıynsha aldyn alý sıpatyndaǵy sharalar qoldanyldy. Atap aıtqanda, ústimizdegi jyldyń 30 naýryzynda Almaty oblystyq prokýratýrasy arqyly 2 azamatqa zań buzýshylyqqa jol berilmeıtini týraly eskertildi. Olar ózderiniń «Feısbýktegi» paraqshalaryna prezıdenttikke kandıdattardyń ar-namysyna, qadir-qasıetine nuqsan keltiretin sózder jazǵan. Atalmysh jaıtqa qatysty ákimshilik quqyq buzýshylyq týraly nemese qylmystyq is qozǵalǵan joq», dedi. Nurdáýlet Súıindikovtiń aıtýynsha, qazirgi tańda prokýratýra organdaryna prezıdent saılaýyna qatysty 3 aryz túsken. Olardyń ekeýinde saılaý zańnamalaryn túsindirý máselesi qozǵalǵan. Al qalǵan bireýinde shaǵym ıesi prezıdenttikke úmitkerlerge qoıylatyn talaptarmen kelispeıtin jetkizgen. Bul aryzdar Ortalyq saılaý komıssııasynyń qaraýyna jiberilgen. Joldybaı Bazar. Derek, sýret: egemen.kz.