Bilim sapasyn arttyratyn kýrs

IýNESKO О́ńirlik keńsesi men Ál-Farabı atyndaǵy Qazaq ulttyq ýnıversıteti ­IýNESKO-nyń jýrnalıs­tı­­ka jáne kommýnıkasııa kafe­d­rasynyń shyǵarmashylyq jáne tehnıkalyq birlesken jo­basy jýrnalıstıka jáne kom­mýnıkasııa salasyndaǵy jap­paı ashyq onlaın kýrstardy ázirleýge múmkindik berdi. Jeti eldiń, ıaǵnı Qyrǵyzstan, О́zbekstan, Tájikstan, Túrik­men­­stan, Armenııa, Grýzııa, Ázerbaıjan elderi sarap­shy­larynyń, Ortalyq Azııa­nyń 19 ýnıversıteti ókilderiniń qa­­ty­sýymen onlaın kýrstar ­sa­­­­raptamadan ótkizildi. Kafe­­d­ra­ oqytýshylary Ortalyq ­­Azııa el­­deri tájirıbesiniń ne­gi­zin­de halyqaralyq oqýlyq­tar­dy ınteraktıvti kýrstar­ǵa beıim­dep, oqý úderisine engiz­di. Burynǵy formattan, dástúrli oqýlyqtardan múldem ózge­she aýqymdy jumystar atqa­ryl­dy. Bul kýrstar ınnova­sııa­lyq, ınteraktıvti, ınklıý­zıvti, qyzyqty ári jeńil, qury­lymynda oıyn elementteri bar, baǵalaý úshin test pen esse qoldanyldy. Onlaın kýrs­tar IýNESKO men jýrna­lıs­terdiń halyqaralyq fede­rasııasynyń oqý materıaldaryna negizdeldi jáne Qazaq ulttyq ýnıversıtetiniń platformasyna ornalastyry­lyp, keń aýdıtorııaǵa arnaldy. Osylaısha, elimizde tuńǵysh ret jýrnalıst qaýipsizdigi, kommýnıkasııadaǵy qaqty­ǵys­ty tómendetý, klımat ózge­ri­si men genderlik máseleler­­di BAQ-ta jazý ádis-tásilderin úıretetin kýrstar ázirlendi. Algorıtmi uqsas ózge oqý kýrs­tarynan aıyrmashylyǵy, joba nátıjesinde ázirlengen keshen eger tyńdaýshy sátti aıaq­tasa, tegin sertıfıkat berý qarastyrylǵan. IýNESKO serııasyna enetin kýrstar táýlik boıy, jyl boıy qoljetimdi ári aqysyz. Platformanyń fýnksıonaldary ár alýan, qa­zirgi sıfrlyq quraldardyń jıyn­tyǵy bilim quzy­ret­tiligin damytady.

Genderli baǵyttalǵan jáne ınklıýzıvti platformanyń tórt baǵyty kásibı qarym-qatynasty qoldaýǵa mashyq­tandyrady, teorııalyq jáne praktıkalyq materıaldardy yqpaldastyryp, jýrnalıstiń kúndelikti qyzmetin, BAQ redaksııasynyń jumysyn jaqsartýǵa arnalǵan qural­dardy úıretedi.

Ár kýrstyń qysqasha maz­muny segiz tilge aýdarylyp, mýltılıngvıstıkalyq elektrondy oqýlyq ázirlendi. Qazir­gi tańda onlaın-kýrstardyń sheteldik tyńdaýshylary da bar. AQSh, Norvegııa, Reseı, О́zbekstan, Qyrǵyzstan elde­rinen jas mamandar, stýdentter kýrsty oqyp, sertıfıkat aldy.

Keıingi kezderi turmys­tyq zorlyq-zombylyqqa qarsy zańǵa ózgerister engizilýine baılanysty «Áıelder men qyz­darǵa qatysty zorlyq-zom­bylyq máseleleriniń BAQ-ta jazylýy» kýrsyna qyzy­ǵýshylyq artty. Bul kýrs bo­ıynsha maýsym aıynda 4 tyń­daýshy jazylyp, kýrsty tyń­dap sertıfıkat alǵan.

BAQ mamandaryna aqparat jınaý men ony BAQ-qa berý­diń etıkalyq ádis-tásilderin úıretýdi maqsat etken kýrs­tar­daǵy úzdik halyqaralyq stan­darttarǵa negizdelgen táji­rıbelik nusqaýlar jýrnalıst, PR mamandaryna, baspasóz qyzmeti ókilderine arnalǵan.

IýNESKO maquldaǵan kon­­tent negizinde ázirlengen kýrs­tarǵa IýNESKO О́ńirlik keń­­sesi tarapynan jýrna­lıst kadrlarynyń sapa­syn, aqpa­rat­­tyq sala qatysý­shy­lary­­nyń bi­liktiligin kótere­di, jýr­na­lıstıka salasyndaǵy ult­­tyq platformany baıy­ta­dy de­­gen baǵa berildi. Ortalyq Azııa men Kav­kaz aımaqtarynda­ǵy árip­tester bul kýrstardyń ádis­teme­lik ortalyq, baza bolyp qala­tyn­dyǵyn jetkizdi. Búgin­­de IýNESKO-nyń jýrnalıstı­ka jáne kommýnıkasııa kafed­­ra­sy «SC Training» platforma­­syn­da bes tilde mobıldi qo­sym­sha­­ǵa arnalǵan onlaın kýrs ázir­lenip jatyr. Kafedrada bir­­ne­she ınnovasııalyq ha­lyq­­ara­lyq jáne ulttyq jo­ba, atap aıt­qanda keıingi bes jyl­da IýNESKO-nyń Kom­­mý­nı­ka­sııany damy­tý halyq­ara­lyq baǵ­darla­masynyń, BUU-Áıel­der ókildiginiń, AQSh elshi­liginiń jo­balary júze­ge asyryldy.

Nazgúl Shyńǵysova,
Ál-Farabı atyndaǵy
QazUÝ IýNESKO-nyń jýrnalıstıka jáne kommýnıkasııa kafedrasynyń meńgerýshisi