Petropavlda «ov»-tan birinshi bolyp qutylǵan qazaq óz tańdaýyn jasady

PETROPAVL. 26 sáýir. Altaı Qojahmet aǵaıdy burynnan el azamaty, ultjandy azamat retinde bilýshi edik. Táýelsizdiktiń eleń-alań shaǵynda stýdentterge dáris oqı júrip, elimizdiń jarqyn bolashaǵyna umtyldyra bilgeni  áli kúnge deıin kóz aldymyzda. Abzal azamattyń batyl bastamalary men jarqyn isterine talaı kýá bolǵanymyz bar. Bul týraly egemen.kz tilshisi habarlady. Bul kisiniń esimi óńirde «ov»-tan  tuńǵysh qutylǵan adam retinde de qatty  qurmetteledi. Búginde 80-di alqymdap qalsa da, ekonomıka ǵylymynyń kandıdaty,  professor retinde qatardan qalǵan joq. Stýdentterde sabaq berip, árkez  qyzý is qımyl ústinde júrgenin kóremiz. Aqsaqalmen júzdespegeli kóp bolyp edi. №  644 saılaý ýchaskesinde prezıdent saılaýy  bir-birimizben  taǵy jolyqtyrdy.  Ústine qazaqtyń oıýly shapanyn aıqara jamylyp, basyna  oqaly  qalpaǵyn kıip, abyz aqsaqal kirip kelgende, zal ishinde óli tynyshtyq ornaı qaldy.  Eshqashan ashý-renishti bilmeıtin árkez kúlimdep, jaıdary júretin júzi búgin erekshe qulpyryp ketkendeı kórindi. «Qazaqta «Myń estigennen bir kórgen artyq» degen sóz bar. Osy joly ústime  halqymyzdyń ulttyq kıimin kıip, daýys berýge bekindim. Ondaǵy maqsat – úlkenderge de, jastarǵa da oı tastaý. Ulttyq  mádenıetimiz ben qundylyqtarymyzdy nasıhattaý», dedi ol. «Búgin ózimdi alǵash ret daýys beretindeı sezinip turmyn.  Osyndaı ár saıası naýqandy  úlken kóńil-kúımen jáne  zor jaýapkershilikpen qarsy alamyn. Uıqymnan sergek oıandym. Otbasymyzben  elimizdiń bolashaǵy úshin daýys berýge erteletip jettik. Munda jastardyń qarasy mol kórinedi. Demek,  saıası belsendilik joǵary, uıymdastyrý jumysy jolǵa qoıylǵan degen pikir túıýge bolady», - degen  Altaı aqsaqal  saılaý bıýlletenin alyp, kabınaǵa qaraı bettedi. О́z tańdaýyn jasaǵannan keıin bıýlletendi jáshikke saldy. Sodan keıin jastarǵa  atalyq lebiz-tilegin arnap, elimizge amandyq, baqyt  tiledi. О́mir Esqalı. Derek, sýret: egemen.kz