Jartyjyldyq qorytyndysy boıynsha áleýmettik mańyzy bar azyq-túlik taýarlary baǵasynyń turaqty deflıasııasy baıqalady: maýsymda ortasha baǵa ındeksi 0,3%-ǵa tómendedi, al jyl basynan beri jalpy 0,2%-ǵa tómendedi. Baǵanyń tómendeý úrdisi jalǵasýda. Saýda jáne ıntegrasııa birinshi vıse-mınıstri Aıjan Bıjanovanyń aıtýynsha, sońǵy aptada baǵalar ortasha taǵy 0,1%-ǵa tómendedi, ásirese, 9 taýar boıynsha: sábiz (1,5%), qaraqumyq jarmasy (0,8%), un (0,7%), sút (0,5%), taýyq eti (0,2%), kúrish, sıyr eti, tuz jáne qant (0,1%). Baǵanyń tómendeýi 10 oblysta baıqalady. Aıtarlyqtaı tómendeý Mańǵystaý oblysynda (0,4%) jáne Pavlodar oblysynda (0,3%) baıqaldy.
Aýyl sharýashylyǵy vıse-mınıstri Erbol Tasjúrekov óńirlerdegi erte pisetin ónimderge kelisimshart jasaý barysyn baıandady. Qazirgi ýaqytta ákimdikter maýsym-shilde aılaryna erte pisetin kókónisterge 37 myń tonna kóleminde forvardtyq kelisimsharttar jasasty. Vıse-mınıstr 1 tamyzǵa deıin óńirler kúzgi ónimdi forvardtyq satyp alý aıasynda aýyl sharýashylyǵy óndirýshilerin qarjylandyrý qajettigin, fermerlerdiń jeńildetilgen qarajatty ýaqtyly alýyn qamtamasyz etý kerek ekenin atap ótti.
