Prezıdent Ákimshiliginiń, Maı aýdandyq máslıhatynyń kelisimi boıynsha oblys basshysynyń ókimimen Maı aýdanynyń ákimi bolyp Qadyljan Sátıev taǵaıyndaldy.
Oblys basshysy Asaıyn Baıhanov aýdan aktıvine jańa ákimdi tanystyrdy.
«Meniń ókimimmen Ámirın Aǵybaı Qoıshybaıuly Maı aýdanynyń ákimi laýazymynan bosatyldy. Ol oblystyń jergilikti atqarýshy organdary júıesinde jańa qyzmette jumysyn jalǵastyrady», dedi oblys ákimi.
Qadyljan Qaıyrbekuly 1985 jyly týǵan. Eki joǵary bilimi bar: 2007 jyly S. Toraıǵyrov atyndaǵy Pavlodar memlekettik ýnıversıtetin «О́nerkásiptik jáne azamattyq qurylys jáne qalalyq sharýashylyq» mamandyǵy boıynsha, 2013 jyly Almaty ekonomıka jáne statıstıka akademııasyn «Ekonomıka jáne bıznes» mamandyǵy boıynsha aıaqtaǵan.
Eńbek jolyn 2005 jyly jeke sektorda bastady. Memlekettik qyzmetti 2009 jyly «Pavlodar oblysynyń tabıǵı resýrstar jáne tabıǵat paıdalanýdy retteý basqarmasy» MM-de bas maman bolyp bastady. Bul basqarmada mamannan basqarma basshysyna deıingi eńbek jolynan ótti.
2021 jyldan bastap «Pavlodar oblysynyń qurylys basqarmasy» MM basshysy qyzmetin atqardy. 2024 jyly Memlekettik qyzmet isteri agenttiginiń «Úzdik memlekettik qyzmetshi» vedomstvolyq nagradasymen marapattalǵan.
Asaıyn Baıhanov Aǵybaı Ámirınge atqarǵan jumysy úshin alǵys aıtyp, jańa ákimniń aldyna alǵashqy kezektegi mindetterdi qoıdy.
«Eń tıimdi jobalardy anyqtap, olardy naqty aıaqtalý merzimderimen iske asyrý boıynsha egjeı-tegjeıli jospar ázirleý qajet. Barlyq resýrstardy jandandyryp, olardy aýdannyń ekonomıkalyq kórsetkishterin arttyrýǵa baǵyttaý qajet», dep atap ótti óńir basshysy.
Mańyzdy baǵyttar - ótkir áleýmettik máselelerdi sheshý, ınvestısııalar tartý, aýdannyń agroónerkásiptik keshenin damytý, lımandy sýarý jobalaryn iske asyrý.
