Foto:Instagram/almaty_obl_prok
Áleýmettik jelilerde qylmysqa kúdiktilerdiń quqyq qorǵaý organdaryndaǵy baılanystarynyń kómegimen jaýapkershilikten jaltaryp jatqany týraly aqparat taraǵan edi.
«Biz qoǵamdyq alańdaýshylyqtardy túsinemiz jáne qylmys qurbandarynyń otbasylary men jaqyndaryna kóńil aıtamyz. Prokýratýra organdary bul isti erekshe baqylaýǵa alǵanyn resmı túrde habarlaımyz. Atalǵan qylmysty jasady degen kúdikpen alty adam ustaldy. Tergeý sotynyń sanksııasymen olardyń barlyǵy qamaýǵa alyndy. Olardyń áreketteri Qazaqstan Respýblıkasy Qylmystyq kodeksiniń 99-babynyń 2-bóligi boıynsha saralanǵan», dedi Aıdos Shormanov.
Qonaev prokýratýrasy barlyq mán-jaılardy anyqtaýǵa jáne kinálilerdi jaýapqa tartýǵa baǵyttalǵan obektıvti jáne beıtarap tergeýge kepildik beredi.
«Barlyq azamattardy osy qylmysqa qatysy bar adamdardy jaýapkershilikten aıyrý áreketterine jol berilmeıtinine sendirgimiz keledi. Tergeýge kómektesetin qandaı da bir aqparaty bar kez kelgen adamdy prokýratýra nemese ishki ister organdaryna júginýge shaqyramyz. Sondaı-aq jalǵan málimdemeler men jalǵan aqparat taratqany úshin Qazaqstan Respýblıkasynyń zańnamasynda jaýapkershilik kózdelgenin eskertemiz», dep atap ótti prokýror.
Prokýror qazir jan-jaqty tergeý júrip jatqanyn, sol sebepti istiń egjeı-tegjeılerin jarııalaý múmkin emes ekenin aıtty.
«Sondyqtan, biz barlyq azamatty jedel túrde kez kelgen málimdemeler men boljamdardan aýlaq bolýǵa, aqparatty tek resmı aqparat kózderinen alýǵa shaqyramyz», dep túıindedi Aıdos Shormanov.
Eske sala keteıik, 2024 jyldyń 26 maýsymynda Qonaevta atys bolyp, saldarynan qalanyń jas turǵyny kóz jumdy, taǵy bir adam aýyr jaraqat alǵan edi.
