Otbasy bankiniń tóraǵasy Lázzat Ibragımova "Naýryz"ıpotekalyq baǵdarlamasy boıynsha qansha ótinim túskenin aıtty.
Ibragımovanyń aıtýynsha, Qazaqstanda e-kezekte portalynda áleýmettik esepke alý júıesi bar, onda azamattar turǵyn úıge kezekke tura alady. Oǵan áskerı qyzmetshiler, memlekettik qyzmetshiler, bıýdjettik uıymdardyń qyzmetkerleri, kóp balaly otbasylar, múgedek balalary bar otbasylar, I jáne II toptaǵy múgedek adamdar, jetim balalar kire alady. Negizgi talap-jeke turǵyn úıdiń bolmaýy.
- Biraq jeke sektorda jumys isteıtin adamdar bizge suraq qoıady-olar bul kezekke tura almaıdy, biraq baspanasy da joq. Bizde 35 jasqa deıingi jas otbasylardyń sany óte kóp, olar depozıtter ashyp, birtindep jınaıdy, – dedi Ibragımova.
Mundaı jaǵdaılar úshin "Naýryz" ıpotekalyq baǵdarlamasy ázirlengen edi. Búgin depozıt ashyp, erteń baǵdarlamaǵa qatysýǵa bolady.
- Suranys óte úlken. "Otaý" boıynsha biz 8 myń ótinim jınadyq. "Naýryz" juma kúni aıaqtaldy saǵat 21.00-de 38 841 ótinim kelip tústi. Bizde shamamen 12 myń ótinimge resýrstar bar, - dedi bank basshysy.
