Birden úsh perzentti bolǵan ana barlyq medısınalyq qyzmetkerlerge shynaıy alǵysyn bildirip, balalardyń jaǵdaıy qalypty ekenin jetkizdi. Budan bólek úsh balasy bar otbasy endi kóp balaly shańyraq bolyp otyr.
«Men, Maqpal Júnisova úshem bosandym. Júktilik kezinde janymda bolǵan dárigerler men medısına qyzmetkerlerine alǵysymdy bildirgim keledi. Júktiliktiń 35 aıynda bosandym, bári qalypty ótti. Árıne, sońǵy aıda qıyndaý boldy. Alǵashynda dárigerler egiz bolady degen. Biraq keıin úshem bolatynyn estigende joldasym ekeýimiz qatty tańǵaldyq. Úıde taǵy eki ulym men bir qyzym bar. Endi, mine, Mıras, Gúlnár jáne Gaýhar esimdi úshem ómirge keldi», – deıdi Maqpal Júnisova.
Qazirgi ýaqytta balalardyń jaǵdaıy qalypty. Dárigerler úshemniń anasyna barynsha kómek beretinin jetkizdi.
«Eń úlken bolǵan ul bala 2 keli 300 gramm salmaqpen týdy. Qalǵan eki qyz bala 2 keli 200 gramnan dúnıege keldi. Qazirgi ýaqytta balalardyń jaǵdaıy qanaǵattanarlyq. Balalarǵa bizdiń medısınalyq personal kómek kórsetip jatyr. Sábıler jetilmeı týǵandyqtan perzenthanada barlyq qajetti medısınalyq tekserister men mamandardyń konsýltasııalary da birge júrgiziletin bolady. Barynsha kómek beriletin bolady», – deıdi Kókshetaý qalalyq perzenthanasynyń neonatolog-dárigeri Tatıana Shafıgına.
Qazirgi ýaqytta anestezııadan keıin endi ǵana esin jıǵan úshemniń anasy sábılerin baýyryna alǵan.
