Aımaqtar • 04 Shilde, 2024

Toǵanda tuqy ósiredi

180 ret

kórsetildi

1 mın

oqý úshin

Kishi Araldyń aıdyny tolǵaly beri teńizde aýdandaǵylardyń ata kásibi – balyq sharýashylyǵy jandanyp, qazir sý marjanyn súzgender ónimin birneshe shet memleketke eksportqa jiberip otyr. Odan bólek, sońǵy jyldary salany damytýǵa arnalǵan bastama aıasynda toǵan sharýashylyǵyn quryp, taýarly balyq óndirisine den qoıǵandar kóp. Tuqy balyq ósiretin osyndaı sharýashylyq Aral aýdanynda jumysyn bastady.

Murat JETPISBAEV

«Aral rybtorg» JShS basshysy Qýanysh О́mirzaqovtyń aıtýynsha qazir 15 gektar aýmaqtaǵy 4 toǵanǵa balyq jiberilip jatyr.

«О́tken aıda 7,7 mln balyq jiberildi. Kúzge deıin toǵandar aýdany 25 gektarǵa deıin ulǵaıady, sodan keıin qýattylyǵy jylyna 15-20 mıllıon shabaqqa arnalǵan ınkýbasııalyq seh ornatýdy bastaımyz. Keler jyly satýǵa jarap qalatyn balyqtyń alǵashqy legi saýdaǵa shyǵarylady», deıdi ol.

Quny 150 mln teńge bolatyn jobany bastaǵandar jylyna 300 tonna balyqty saýdaǵa shyǵarady. Jalpy, osy salada júrgender memleket tarapynan jasalǵan qoldaýdan keıin balyq sharýashylyǵyn damytýǵa bet burǵandar kóbeıgenin aıtady.

Balyq sharýashylyǵyn damytýdyń 2021–2030 jyldarǵa arnalǵan baǵdarlamasy boıynsha salyq jeńildikteri men beriletin túrli sýbsıdııa arqasynda isin damytyp otyrǵandar qatary artyp keledi.

Osy kúni óńirde sazan, aq amýr, dóńmańdaı jáne afrıkalyq jaıyn sekildi balyq túrlerin toǵanda ósirip jatqandar bar.

Qyzylorda