13 myńnan astam adam jumys isteıtin «Qarmet»-tegi ózekti máseleniń biri – zııandy jáne qaýipti jaǵdaıdaǵy óndiris oryndarynda jumys isteıtinderdiń erterek zeınetke shyǵý máselesi.
– Jyl basynda zııandy óndiristerde jumys isteıtinder úshin zeınet jasyn 55 jasqa deıin tómendetý týraly zań kúshine endi. Zeınetke shyǵatyndar zııandy eńbek jaǵdaılaryndaǵy jumysyn toqtatýǵa mindetteledi. Biraq olar arnaıy áleýmettik tólemder alady. 63 jasqa jetkende, zeınetaqy qorynan tólemderge bazalyq jáne yntymaqty zeınetaqy qosylady, al respýblıkalyq bıýdjetten, jumys berýshiler men saqtandyrý kompanııalarynan tólemder toqtatylady, – dedi depýtat Arman Qalyqov.
Eńbek qaýipsizdigi men qaýipsizdikti qamtamasyz etý máselesi de ózekti. Májilistiń Áleýmettik-mádenı damý komıtetiniń tóraǵasy Ashat Aımaǵambetovtiń aıtýynsha, Qaraǵandyda qoǵamdyq jáne kásiptik densaýlyq saqtaý ınstıtýty qaıta qurylǵan. Májiliste eńbek qaýipsizdigi máseleleri boıynsha birneshe zań qaralyp jatyr.
«Qarmet» AQ bas dırektory Vadım Basın óndiristi gazdandyrý boıynsha aýqymdy jobanyń bastalǵanyn aıtty. Joba kásiporynnan 25 shaqyrym jerdegi «Saryarqa» gaz qubyryna qosylý arqyly júzege asyrylady. Osylaısha, kásiporyn jylyna 1,2 mlrd tekshe metr tabıǵı gaz kólemimen qamtamasyz etilmek.
