Kásipkerler depýtatqa ishki sý tasymaly salasyndaǵy ózekti máseleler týraly aıtyp berdi. «Qazflot» jeke kásipkerliginiń basshysy Vıktor Podnebesovtiń aıtýynsha, kásipornynyń qaramaǵynda 9 keme bar. Olardyń jartysy jóndeldi, al qalǵany kúrdeli jóndeýdi qajet etedi. Birqatar logıstıkalyq másele de sheshimin taýyp keledi.
– О́tken jyly Indýstrııa jáne ınfraqurylymdyq damý mınıstrligi elimizdiń úsh sý basseıni – Atyraý, Aral jáne Ertis ózenderiniń kóligi men ınfraqurylymyn qalpyna keltirýge 64 mlrd teńge bólinetinin málimdengen bolatyn. Onyń 27 mıllıard teńgesin Kólik mınıstrligi bıyl sý kóligi men ınfraqurylymdy damytý jáne kútip ustaý baǵytynda ıgerýge tıis, – dedi M.Magerramov.
Májilis depýtaty ishki sý tasymalynyń damýy men qaýipsizdiginiń eki quramdas bóligin – jaǵalaýdaǵy kólik ınfraqurylymy men sapaly jóndeý bazasyn qamtamasyz etý qajettigin atap ótti. Munyń barlyǵy Memleket basshysynyń 2023 jylǵy Joldaýynda aıtylǵan tapsyrmalardy tabysty iske asyrýǵa yqpal etedi.
«Ellıng PV» seriktestigi – Qazaqstandaǵy jalǵyz keme jóndeý kásiporny. Ony Qazaqstan halyq partııasy fraksııasynyń depýtattary Úkimetke tıisti depýtattyq saýal joldaý arqyly saqtap qaldy deýge bolady.
