Astana – beıbitshilik alańy

Qasym-Jomart Toqaev Antonıý Gýterrıshtiń sapary Qazaqstan men BUU arasyndaǵy jan-jaqty yntymaqtastyqty nyǵaıtýǵa zor múmkindik bere­tinin atap ótti.

– Sizdiń Astanaǵa saparyńyz jáne ShYU sammıtine qatysýyńyz – Qazaqstan men BUU arasyndaǵy tyǵyz qarym-qatynas­tyń jarqyn belgisi. Bul bizdiń BUU qyzmetine atsalysyp jat­qanymyz­dy kórsetedi. Qazirgi kúrdeli jaǵ­daıda Qazaqstan jáne men de Mem­leket basshysy retinde BUU-nyń jumysyn jan-jaqty qoldaımyz, – dedi Prezıdent.

Antonıý Gýterrısh óziniń saparyn BUU-nyń Qazaqstanǵa jáne onyń ShYU tóraǵalyǵyna kórsetken qoldaýy men tileýlestiginiń kórinisi retinde qarastyratynyn málimdedi.

– Qazaqstan beıbitshilik jolyndaǵy kú­restiń jarqyn úlgisin kórsetip keledi. Siz­diń elińiz birigý isinde dáneker, so­nyń ishinde óte kúrdeli jaǵdaılarda ár­qashan altyn kópir, beıbitshiliktiń elshi­si boldy. Astana kóptegen bitimgerlik basta­manyń, sonyń ishinde Sırııa boıyn­sha As­tana úderisiniń ortalyǵyna aınaldy. As­tana árdaıym beıbitshilik alańy bol­dy. Qazaqstannyń bedeli zor. Sizder ıadrolyq qarýsyzdaný salasynda kóshbas­shy elsizder jáne basqa da kóptegen salada beıbitshilikke beıildi ekenderińizdi tanytyp kelesizder, – dedi BUU Bas hatshysy.

BUU Bas hatshysy Astananyń Shanhaı yntymaqtastyq uıymyna tóraǵalyǵyn joǵary baǵalady. Antonıý Gýterrısh Qazaqstanda júzege asyrylyp jatqan aýqymdy saıası jáne ekonomıkalyq reformalardy qoldaıtynyn, elimizdiń jahandyq qaýipsizdik pen beıbitshilikti qamtamasyz etý isinde mańyzdy ról atqaratynyn atap ótti.

Sonymen qatar kezdesýde Ortalyq Azııa mem­leketteri arasyndaǵy aımaqtaǵy koope­ra­sııany nyǵaıtý máselelerine erek­she nazar aýdaryldy. BUU Bas hatshysy óńir­degi ekonomıkalyq ıntegrasııa úderi­si­ne joǵary baǵa berip, onyń jahandyq máselelerdi sheshýdegi áleýeti zor ekenine toqtaldy.

Budan bólek, Qazaqstan men BUU arasyndaǵy kópjaqty yntymaqtas­tyqtyń basym baǵyttary, sondaı-aq halyqaralyq kún tártibindegi ózekti máseleler talqylandy.