ZAMAN JÁNE ZAŃ

QÝANA QUPTADYQ Barlyq qazaqstandyqtarmen birge, biz, ekibastuzdyqtar da Nursultan Ábishulyn kóp jyldarǵa aldyn ala eldiń damýyna boljam jasap, Qazaqstan halqyn bolashaqqa senimdi jetelep kele jatqan naǵyz Elbasy, sarabdal saıasatker  sanaımyz. Bizdiń oqý ornynyń oqytýshylary men stýdentteri de Nursultan Ábishulynyń tulǵasyna erekshe syılastyqpen qaraıdy. Sebebi, ol kómir jáne energetıka ónerkásibiniń ortalyǵy – bizdiń qalamyzǵa kelgen saıyn kenshiler men energetıkterdiń, muǵalimder men dárigerlerdiń, zeınetkerler men balalardyń problemalaryn júregimen sezinetindigin dáleldedi. Pavlodar oblysynda, onyń ishinde Ekibastuzda júzege asyrylyp jatqan kóptegen jobalar Nursultan Ábishulynyń atymen baılanysty. Indýstrııalan­dyrý kartasy aıasynda jaqyn kúnderi bizdiń qalamyzda  qala jáne oblys úshin ǵana emes, sondaı-aq jalpy respýblıka úshin mańyzdy 3 joba iske qosylady. Men pedagog retinde Prezıdenttiń bilim júıesine degen nazaryn erekshe atap ótkim keledi. Mektepke deıingi jastaǵy balalar da, oqýshylar da, stýdentter de – ıaǵnı, memleketti keleshekke jeteleıtin urpaq  Nursultan Ábishulynyń nazarynan eshqashan tys qalyp kórgen emes. Biz Elbasyna osy úshin de rızamyz. Jáne de zańdardyń qabyldanǵanyn qýana qýattaımyz. JAMAL NARMAǴAMBETOVA, Ekibastuz qalasyndaǵy №4 kásiptik lıseı dırektorynyń orynbasary. Pavlodar oblysy. KО́P KО́ŃILINDEGISIN DО́P BASTY Tuńǵysh Prezıdent, Elbasy týraly zańnamaǵa ózgerister men tolyqtyrýlardyń engizilýi durys boldy dep esepteımin. Oǵan Elbasynyń ózi qol qoımaǵanymen, búkil el qoldap otyr. Muny kitaphanashylar, bizder de jaqsy sezinemiz. Kitaphana rýhanı ortalyq bolǵandyqtan, oǵan kelýshiler de úzilmeıdi. Osyndaı kezderde oqyr­mandar Elbasy joldaýlaryn, Prezıdent kitap­taryn, ol tý­raly jınaqtardy surastyryp jatady. Bul rette Qa­zaqstan Táýelsizdiginiń 20 jyldyǵy qarsańynda “Qa­zaq­stan Respýblıkasy” serııasymen “Kúltegin” baspa­synan jańa kitaptardyń shyǵa bastaýy oraıy bitken is boldy. “Elbasy joldady – eli qoldady”, “Elmen syrlasý”, “Álem Qa­zaq­stan týraly, álem Prezıdent týraly”, “Táýelsizdik shejiresi” degen taqyryptardy qamtyǵan on tórt kitap bizdiń kitaphanaǵa da keldi. Osy jobamen 2015 jylǵa deıin 138 jınaq jaryqqa shyǵady eken. Bul bizdiń táýelsizdik kezeńindegi jańa tarıhymyzdy baıyta túseri sózsiz. Eldi tek qana alǵa bastaıtyn ulan-ǵaıyr isterdiń basynda Elbasy turǵanyn halyq biledi. Prezıdenttiń ár qadamyna tilektestigin bildirip otyrady. Endi osy izgi nıet, alýan ister, táýelsizdik joldary kitap­tardan kórinis taýyp otyrsa, tipti ońdy emes pe! Sara KENJEBAEVA, J.Moldaǵalıev atyndaǵy oblystyq ǵylymı-ámbebap kitaphana dırektorynyń orynbasary. ORAL. BÚGINGI ISTERDIŃ BASTAÝY MEN TIREGI 1984 jyldyń 15 tamyzy meniń kúni búginge deıin esimde. Sol kúni Qazaqstan Respýblıkasynyń eń jas Úkimet basshysy Nursultan Nazarbaev alystaǵy Álııa Mol­daǵulova aýy­ly­na kelip, Batyr qyzdyń mu­rajaıynda bo­lyp, qoltańba qal­dyrdy. Men osy jerdegi  Molda­ǵu­lova atyndaǵy keń­shar­dyń par­tııa komıtetiniń hat­shy­sy edim. Jol­dasym Parıza atalǵan mura­jaıdyń jetekshisi bolatyn. Sol se­bepti de mynadaı mártebeli qo­naq­tar osydan shırek ǵasyrdan astam ýaqyt ótse de, kóńilimde ja­­zyl­ǵan hattaı saqtalyp qaldy. Men sol joly mártebeli qonaq­tar­men tek resmı jolyǵyp qana qoı­­ǵanym joq, tabaqtas bop, bir das­­tarqan­nan dám tattym, sózde­ri­n tyńdap, áńgimelerin oıǵa túıdim. Nursultan Ábishulynyń úlken parasat ıesi ekendigi sol kezdiń ózinde ańǵarylyp turdy. Jaspyn dep jasqanbaı, jaltaqtamaı sóı­leı­tinin, óz oıyn ashyq, búkpesiz aıtatynyn baıqadym. Asa jigerli, qyraǵy, ásirese, oıy shalt eken. Aıt­paı-aq, jaǵdaıdyń bárin kórip, bilip otyrǵandaı sezinetin basshy ekenin uqqandaı boldym. Sol jyldardan beri basqan qa­damyn, bıliktegi ósý jolyn qada­ǵa­lap, zerdelep kelemin, udaıy ór­leý ústinde boldy. Táýelsizdigimizdiń bastaýynda qıyn bolǵan kezderde reforma­lar­dy pármendi júrgizý úshin qosymsha ókilettikter alǵanyn kópshilik jaq­sy biledi. Elbasynyń kóregen basshylyǵynyń arqasynda Qazaq eli órkendep keledi. Álemdik bedel­ge ıe. Ol basqarǵan Qazaqstan Eý­ro­padaǵy qaýipsizdik jáne ynty­maq­tastyq uıymynyń tóraǵasy. Nur­sultan Nazarbaev — naǵyz Elbasy. Mine, tıisti zańdar tııanaqtalýy arqyly halyq tilegi qabyl boldy. Jáne muny óte oryndy sheshim dep qabyldaǵan jón. Biz kezdeskeli qansha jyl ótti. Biraq, sol kezdegi jiger-qaıraty sol kúıinde saqtalyp, parasat, sheberligi eselep artqanyn kórip qýanamyn. Men Nursultan Nazar­baevpen birge bolǵan sol bir sát­terdi eń baqytty shaǵym dep esep­teımin. Árkez kezdesýlerde, otba­sym­da ónege etip aıtyp otyramyn. Qazaqtyń Batyr qy­zy­nyń murajaıy odan bergi jyl­darda biraz synnan ótti. Qazir halyqqa qyzmet etip tur. Men Máskeý qalasyndaǵy №891 Álııa Moldaǵulova atyndaǵy mek­tep­ke issaparmen jıi baryp tu­ramyn. Sonda da Elbasynyń shek­siz qamqorlyǵyn sezinemin. Mun­daǵy murajaı eki ulttyń dostyǵy­nyń sımvoly desek, qatelespeımiz. Osyndaı barsha isterdiń bastaýy da, tiregi de búgingi Memleket basshysy ekeninde daý joq. Ǵalymjan BAIDERBES, “Qos shynar” Álııa-Mánshúk atyndaǵy qoǵamdyq birlestiktiń tóraǵasy. Aqtóbe oblysy.