Sýrette: merekelik sharadan kórinis
Belgili kúıshi, kompozıtor Seken Turysbekov, QR eńbek sińirgen qaıratkerleri Meırambek Besbaev pen Nurken Áshirov syndy aǵa býyn ókilderi dombyra qulaǵynda oınap, el arasynda keńinen taralǵan shyǵarmalardy oryndady.
Al aýdandyq jáne qalalyq mádenıet ortalyqtarynyń janynan jumys isteıtin 80 úıirmeniń 1000-nan asa shákirti kúmis kúıden shashý shashty. Olarǵa ár aımaqtan kelgen 92 úıirme ustazdary jetekshilik etti.
Ulttyq aspap ulyqtalǵan festıvalge óńir basshysy Marat Sutanǵazıev arnaıy qatysyp, qazaq mádenıetiniń dástúrlerin saqtaý men damytýdyń mańyzyna toqtaldy.
«Dombyra – bul jaı ǵana mýzykalyq aspap emes, bul bizdiń tarıhymyzdyń, biregeıligimizdiń sımvoly. Jas urpaqtyń óz mádenıetin bilýi jáne jaqsy kórýi mańyzdy. Sondyqtan dombyrada oınaý ónerin keńinen nasıhattaý qajet», degen oblys ákimi Marat Eleýsizuly kúı tyńdaýǵa qumartqan qala turǵyndary men qonaqtardy ulttyq merekemen quttyqtady.
«Dombyra-dastan» festıvali qazaq mýzykasy men mádenıetin súıetinder úshin naǵyz mereke boldy. Arnaıy merekelik baǵdarlama kórermenderdi Qurmanǵazy Saǵyrbaıulynyń klassıkalyq shyǵarmalaryn oryndaýmen, sonymen qatar kompozıtor Ábdimomyn Jeldibaevtyń «Erke sylqym» sııaqty zamanaýı áýenderimen de qýantty. Kúmbirlegen kúı tógilgen is-shara sońy Súıinbaı atyndaǵy oblystyq fılarmonııanyń merekelik konsertine ulasty.
Almaty oblysy
