Foto: astanatv.kz
Mamandardyń boljamyna qarǵanda, erteń BQO, Atyraý, Mańǵystaý oblystarynda, sondaı-aq Aqtóbe óńiriniń batysynda aptap ystyq saqtalady.
Al eldiń ońtústik óńirleri áli de antısıklonnyń yqpalynda bolady, biraq jaýyn-shashyn kútilmeıdi. Qazaqstannyń qalǵan aýmaǵynda sıklon jáne onymen baılanysty atmosferalyq frontaldy bólikterdiń júrýine baılanysty naızaǵaı oınap, burshaq túsedi, qatty jel soǵady, al soltústik, ortalyq, shyǵys óńirlerde, eldiń ońtústik-shyǵysyndaǵy taýly aýdandarda qatty jańbyr jaýady.
Sınoptıkter Abaı oblysynyń soltústik-batysynda, ortalyǵynda, Atyraý óńiriniń batysynda, shyǵysynda, Batys Qazaqstan oblysynyń soltústik-batysynda, soltústiginde, Mańǵystaý óńiriniń ońtústiginde, Almaty oblysynyń batysynda, Jetisý oblysynyń soltústigi men shyǵysynda joǵary órt qaýpi saqtalatynyn eskertti.
«Túrkistan, Qyzylorda, Jambyl, Ulytaý oblystarynda, Almaty óńiriniń batysynda, Jetisý oblysynyń soltústiginde, shyǵysynda, ShQO, Qostanaı óńiriniń ońtústiginde, Qaraǵandy oblysynyń batysynda, ońtústiginde, Atyraý óńiriniń ońtústik-shyǵysynda, batysynda, Mańǵystaý oblysynyń batysynda tótenshe órt qaýpi saqtalady», delingen «Qazgıdromet» habarlamasynda.
