Almaty.tv jazǵandaı, ekeýiniń saýsaqtary men aıaqtaryna zaqym kelgen, al taǵy úsh jasóspirim shoshynyp qalypty. Abyroı bolǵanda, asa aýyr zardap shekkender joq. Al balalar jeńil jaraqatpen úıge qaıtarylypty.
«Bizge 5 bala qaraldy. Barlyǵy - 17 jastaǵy er balalar. Mamandar qarap, alǵashqy kómek kórsetti. Tıisti ádistemelik kómek júrgizildi. Onyń tórteýiniń dene jaraqatynyń jeńildigine baılanysty, ambýlatorııalyq emge jiberildi. Al bireýi, saýsaq synyǵy, alaqan jyrylǵanyna baılanysty stansıonarlyq emge jatqyzyldy», – dedi oblystyq balalar aýrýhanasynyń travmatolog-dárigeri Erjan Esbolaev.
Qazir attraksıon ýaqytsha jumysyn toqtatqan. Eki jyldan beri alǵash ret mundaı jaǵdaı tirkelip tur, - degen saıabaq basshysy tehnıkalardyń tekserilip jatqanyn habarlady. Al zardap shekken balalarǵa barlyq kómek kórsetipti. Qazir polısııa atalǵan iske qatysty tergeý júrgizip jatyr. Osy oqıǵadan soń, qaladaǵy attrasıonǵa tekseris júrgizilmek.
«Tehnıkaǵa baılanysty aqaý bolǵan. Jaraqat alǵan balalarǵa kómek kórsettik. Ata-analar tarapynan aryz shaǵym túspedi. Qazir attraksıon jabyq tur», – dedi saıabaq basshysynyń orynbasary Sabyr Nyshanqulov.
