Qala halqy kóp jınalatyn orynǵa kıiz úıdegi kitaphana qurylyp, oqyrman qaýym tabıǵat týraly kitap-jýrnal oqıdy. Vıktorınarlyq oıyndaryna qatysyp, tipti ósimdikti ózderi egýge bolady. Kóshpeli kitaphananyń úılestirýshisi – S.Seıfýllın atyndaǵy ortalyq kitaphana. Jyljymaly kitaphananyń turaqty oqyrmany kún sanap artyp keledi. Buǵan qosa týrısterdiń de arnaıy at basyn buryp, kitap oqyp ketetini bar. Ásirese kıiz úıdegi kitaphanadan balalar bir eli ketpeıdi. О́ıtkeni tabıǵatqa qatysty kitaptar men jańa basylymdar kóp. Jazǵy demalysyn tańnan keshke deıin oıynmen ótkizetin balqashtyq balalar kitap oqyp, zeıinderin ashyp júr.
– Jyljymaly kitaphananyń basty mindeti – mádenıetti, ekologııalyq oı-óristi, ekologııalyq saýattylyqty nasıhattaý. Adamdar kelip, týǵan ólkeniń tabıǵaty týraly kitaptar, gazetter, jýrnaldar oqı alady. Vıktorınalar, baıqaýlar ótkiziledi. Tipti kógaldandyrý buryshy bar. Eń belsendi turǵyndarǵa syılyqtar beriledi. Qazirdiń ózinde oń áser bar dep aıta alamyn. Kún saıyn kitaphanaǵa baramyn. Aınalamyzdaǵy qoqys azaıdy. Turǵyndar jınalǵan qoqys suryptalýy úshin bizdiń jáshikterdi toltyrýǵa tyrysady, – deıdi jobany uıymdastyrýshy Balqash qalasy ákiminiń orynbasary Saıagúl Jaqsylyqova.
Joba kitap oqý mádenıetin qaıta jańǵyrtýdy, turǵyndardy ekologııalyq mádenıetke tárbıeleýdi kózdeıdi. Kóshpeli kitaphana oqyrmandardy 1 qyrkúıekke deıin qabyldaıdy.
Qaraǵandy oblysy,
Balqash qalasy
