Foto: Májilis
2023 jyldyń 1 maýsymynan bastap oblystyq kópsalaly balalar aýrýhanasynyń zamanaýı jańa ǵımaraty boı kóterdi. Mekeme jańa KT jáne MRT apparattar, zamanaýı rentgen jáne ýltradybystyq qurylǵylar, sondaı-aq japondyq kúıikke qarsy tósekteri bar ozyq medısınalyq jabdyqtarmen jabdyqtalǵan. Operasııa jasaıtyn bólimderde 4K deńgeıindegi beıne-endoskopııalyq keshender, avtonomdy jeldetkish jáne eń kúrdeli operasııalardy júrgizýge múmkindik beretin NERA-fıltrleri bar lamınarly tóbeler de bar.
«Qamqorlyq» ońaltý ortalyǵynyń ashylýy eń kishkentaı naýqastardy qoldaý úshin mańyzdy qadam deýge bolady. Bul jerde balalar týǵannan úsh jasqa deıin ońaltý kómegin ala alady. Sondaı-aq 2023 jyldyń qazan aıynda neırohırýrgııalyq jáne travmatologııalyq jańa bólimshelerdiń ashylýy eldiń túkpir-túkpirinen keletin túrli jaraqaty bar balalarǵa qajetti kómekti kedergisiz alýǵa múmkindik beredi.
«Búgin áriptesterimmen 18 jastan keıin ońaltý máselelerine qatysty ózekti suraqtardy talqyladyq. О́ıtkeni osy jasqa deıingi balalardyń jaǵdaıyn jasaý boıynsha aıtarlyqtaı jetistikke qol jetkizdik. Alaıda júıe 18 jastan keıingi jaǵdaıdy pysyqtaýdy qajet etedi. Osy máseleni aldaǵy jumysymyzda eskeremiz. Biz jastardyń turmys jaǵdaıy men ómir sapasyn jaqsartýǵa kómektesetin zańnamalyq bastamalardy, basqa da máselelelerdi birlesip talqylaýdy jalǵastyramyz», dedi Dınara Naýmova.
Sonymen qatar depýtat Qaraǵandy oblystyq mektep-ınternatynda bolyp, oblys boıynsha 160 balany qamtıtyn mektep kabınetteriniń jumysymen tanysty. Depýtat múgedek balalarǵa qyzmet kórsetý baǵytynda memlekettik-jekemenshik áriptestikti retteý týraly ınternat basshylyǵynyń usynystaryna nazar aýdardy.
Qazirgi ýaqytta «Respublica» partııasy mektep-ınternat psıhology úshin arnaıy kabınet daıyndap jatyr.
