Foto:polisia.kz
Polıseılerdiń málimetinshe, 29 maýsymǵa qaraǵan túni qala ortalyǵynda ornalasqan keńselerdiń birine belgisiz bireý kirip, ishinde mıllıon teńgege jýyq aqshasy bar temir seıfti urlap ketken. Jedel izdestirý sharalarynyń nátıjesinde osy qylmysqa qatysy bar 26 jastaǵy oblys turǵyny ustaldy. Kúdikti ýaqytsha ustaý ızolıatoryna qamalyp, urlanǵan seıf tárkilengen. Qylmystyq is qozǵalyp, tergeý júrip jatyr.
Aıta keterligi oblystyń jedel ýákilderi, jyl basynan beri bótenniń múlkin urlaý boıynsha qylmystardy ashýda jaqsy nátıje kórsetip otyr. 6 aı ishinde osyndaı 491 qylmys tirkelse, onyń 79,3%-y ashylǵan.
