Depýtat Tóle bı dańǵylyndaǵy 11 úıdiń qasbetteri men shatyrlaryn jóndeý jumysymen, 24 kópqabatty úıdiń keskin-kelbetin jańartý barysymen de tanysty. Sondaı-aq senator Taraz qalasyndaǵy 2023 jyly
7 256 úı sýmen qamtamasyz etilgen «Qumshaǵal», «Shóldala», «Kazarma» saıajaılaryndaǵy magıstraldyq sý qubyrynyń qurylysyn kórip shyqty. Qazirgi kezde ortalyqtandyrylǵan sýmen qamtamasyz etilgen halyqtyń úlesi 97 paıyzǵa deıin ósip otyr. Depýtat barlyq jumysty sapaly oryndaý men apattardyń aldyn alý úshin ınfraqurylymdy jańǵyrtýdyń mańyzdylyǵyn atap ótti.
Senator Baızaq aýdanyndaǵy 45 oryndyq aýyldyq dárigerlik emdeý mekemesinde, Sarykemer aýylyndaǵy dene shynyqtyrý-saýyqtyrý kesheni men Kópterek aýyldyq okrýgindegi 90 oryndyq mádenıet úıiniń qurylysyn aralady. Jergilikti halyqpen kezdesý barysynda depýtat jergilikti atqarýshy organdar tarapynan qurylysty qatań baqylaýdyń, osy jyly nysandardy paıdalanýǵa berýdi qamtamasyz etýdiń mańyzyn atap ótti.
