Taraptar eldiń turaqty áleýmettik-ekonomıkalyq damýy úshin tartylatyn ınvestısııalardyń mańyzdy rólin atap ótti. Buǵan qosa qoldanystaǵy jobalardyń jaı-kúıi men EQDB-nyń jańa jobalardy qarjylandyrý baǵytyndaǵy josparlaryn talqylady.
Hýseın О́zhan atap ótkendeı, bıyl bank Qazaqstan ekonomıkasyna quıylatyn ınvestısııa kólemin kem degende eki esege arttyrýdy josparlap otyr. EQDB Qazaqstan elektr jelilerin basqarý kompanııasymen (KEGOC) eldiń batysynda elektrmen jabdyqtaý jumysynyń senimdiligin arttyrýǵa múmkindik beretin iri jobany iske asyryp keledi. Buǵan deıin iri aýmaqtyq jobaǵa Aqtóbe qalasynda jańa tazartý qurylystaryn salýǵa qol qoıylyp, «Araltuz» AQ jetekshi as tuzyn óndirýshisiniń jańa óndiristik qýattaryn salýǵa, sondaı-aq áıelder men jastar kásipkerligin qoldaýǵa qarajat bólindi. 2024 jyldyń maýsym aıynda qurylysyn EQDB qarjylandyrǵan Almaty áýejaıynyń jańa jolaýshylar termınaly ashyldy. Sonymen qatar bank «Air Astana» ulttyq áýe tasymaldaýshysynyń IPO-syna qatysty.
Nurlan Baıbazarovtyń aıtýynsha, Qazaqstan EQDB-men eldik ári aımaqtyq deńgeıde yntymaqtastyqty keńeıtýge nıetti, sondaı-aq banktiń jeke sektorǵa ınvestısııa salýǵa degen umtylysyn qoldaıdy.
«Elimiz energetıka jáne kólik-logıstıka, jańartylatyn energııa kózderi men jeke bıznesti damytý jobalaryn júzege asyrý úshin ınvestısııa tartý boıynsha EQDB-men ózara tıimdi jumys isteýge daıyn», dedi vıse-premer.
EQDB Qazaqstanda qyzmetin bastaǵannan beri 324 joba aıasynda el ekonomıkasyna €10,2 mlrd ınvestısııa saldy. Qazirgi ýaqytta banktiń Qazaqstandaǵy jobalyq portfelinde quny €2,9 mlrd-tan asatyn 121 joba bar.
