Jahandyq aýqymdaǵy turaqtylyq jolynda

Halyqaralyq saıası is-sharaǵa 16 elden delegat qatysty. Byltyr Delıde onlaın formatta ótken sammıtte Qazaqstan taraby jahandyq deńgeıde turaqtylyq pen qaýip­sizdikti qamtamasyz ete­tin qaǵıdattardy usyndy. Negizi uıymnyń jyl saıynǵy sammıtterinde osyǵan uqsas qujattar qabyldanyp turady.

Jalpy, ShYU-ǵa múshe mem­leketter kózqarastarynyń ártúrli ekeni belgili. Osy oraıda baýyrlas Ázerbaı­jan, Túrkııa, Ortalyq Azııa elderi­niń Qazaqstannyń qaýipsizdikke qatysty ustanymyna qoldaý kórsetip otyrǵanyn erekshe atap ótý qajet.

ShYU aıasynda «Ádil álem, kelisim jáne damý jolyn­daǵy jahandyq birlik týraly» qujatqa qol qo­ıyl­dy. Bastamanyń kózde­geni – búkil Eýrazııa qurlyǵyn­daǵy beı­bitshilik pen qaýipsiz­dikti qam­tamasyz etýge kepil bolatyndaı aıryqsha múmkindikter­di júzege asyrý. Sondaı-aq osy qaǵıdat negizinde memleketterdiń terrorızmge, separatızmge jáne ekstremızmge qarsy is-qımyl boıynsha 2025–2027 jyldarǵa arnalǵan ynty­maq­tastyq baǵdarlamasyn bekitý týraly sheshimi, halyqara­lyq aqparattyq qaýipsizdikti qam­tamasyz etý máseleleri boıyn­sha ózara is-qımyl jos­paryn bekitý syndy túıindi mámi­lelerge kelýi oryndy. О́ıtkeni kez kelgen el úshin eń basty másele – aımaqtyń qaýipsizdigi.

Oǵan qosa Q.Toqaevtyń «Shanhaı ondyǵyna» múshe mem­leketterdi transulttyq uıym­dasqan qylmys, zańsyz esirtki aınalymy jáne kıberqyl­mysqa qarsy kúreske shaqyrýy da quba-qup. Iаǵnı bárine ortaq ótkir problemalardy parasatty dıplomatııa aıasynda ujym­dyq áreketpen sheshý jahandyq turaqtylyqqa sep bola alady.

Anar SOMÝNJÝOǴLY,
Hadjettepe ýnıversıteti strategııalyq zertteýler ortalyǵynyń dırektory, dosent
(Túrkııa)