Sharaına
Egıpettik bir áıel N5N1 qus tumaýynan qaıtys boldy. Osylaısha, jyl basynan beri osy eldiń bes azamaty atalmysh aýrýdyń qurbanyna aınalyp otyr.
2014 jyl ishinde munda osy vırýsty juqtyrǵan 11 adamnyń qaza bolýyna baılanysty bul jaǵdaı Dúnıejúzilik densaýlyq saqtaý uıymynyń alańdaýshylyǵyn týǵyzyp otyr. DDSU ókilderiniń aıtýynsha, memleket aýmaǵynda shynymen de N5N1 vırýsyn juqtyrý jaǵdaıy jıilep ketken. Olardyń sózderine qaraǵanda, aýrý juqtyrǵandar sanynyń ósýine maýsymdyq faktordyń sebep bolýy múmkin. О́ıtkeni, aýa raıynyń salqyn kezinde aýrý qozdyrǵyshy uzaq ómir súretin kórinedi. Onyń syrtynda, qus fermalary men mal sharýashylyǵy jumyskerleri atalmysh vırýsty juqtyrýǵa beıim keledi eken.
Bir tonnadan astam kokaın tárkilendi
Panamada esirtki kontrabandasyna qarsy kúres sheńberinde 1,1 tonnadan astam kokaın tárkilengen. Jergilikti bılik ókilderiniń habarlaýynsha, esirtki zatynyń iri partııasy Kolýmbııamen shekaralas jatqan Tıgr aralynan tabylǵan.
Panama arnaıy qyzmetiniń málimetterine qaraǵanda, kokaındy aralǵa Kolýmbııadan júrdek katermen jetkizgen. Kontrabandashylar júkterin tastaı salyp, ózderi qashyp ketken kórinedi. Qazirgi ýaqytta olardy izdestirý jumystary júrgizilýde. Esirtki saýdalaýshylar Eýropa elderinen AQSh-qa esirtki partııalaryn jetkizý úshin Panama aýmaǵyn paıdalanýǵa tyrysady eken. Soǵan oraı, Panama úkimeti sońǵy jyldary AQSh jaǵalaý kúzetiniń qoldaýymen kontrabandashylarǵa qarsy kúres operasııalaryn aıtarlyqtaı kúsheıte tústi.
Twitter-ge tosqaýyl qoıamyz deıdi
Túrkııa úkimeti áleýmettik jeliniń oppozısııalyq gazet akkaýntyn jabýdan bas tartýyna baılanysty elde Twitter-ge tosqaýyl qoıatyndyǵyn aıtyp, eskertip otyr.
Eldiń Adana qalasynyń soty aqparat agenttikteri men gazetterdiń Sırııa aýmaǵyna gýmanıtarlyq kómek jetkizýdi jazýyna jáne olarǵa túsinik berýine tyıym salǵan. Jergilikti BAQ-tar qarý-jaraq tıelgen júk kólikteriniń Sırııaǵa úkimet kúshterimen kúresý úshin jetkizilgenin jazǵan bolatyn. Túrik ókimeti bul aqparatty teriske shyǵaryp otyr. Olardyń aıtýynsha, kerýen Sırııanyń beıbit turǵyndaryna gýmanıtarlyq kómek jetkizgen. Túrik bıliginiń pikirinshe, jergilikti BAQ-tardyń mundaı qylyǵy ulttyq qaýipsizdikke qaýip tóndiredi. Sondyqtan da atalmysh taqyrypty jazýǵa tyıym salynyp otyr.
Súńgýir qaıyq pen zymyran alýǵa nıetti
Polshanyń qorǵanys mınıstrligi myńdaǵan shaqyrym qashyqtyqqa jetetin jáne dáldigi 3-5 metrdi quraıtyn úsh súńgýir qaıyq pen qanatty zymyrandar satyp alýǵa nıetti. Bul týraly Polsha radıosy habarlaǵan.
Osy maqsattar úshin el 8 mıllıard zlotyh (shamamen 1,9 mlrd.eýro) jumsamaq. Alǵashynda eki jekelegen tender ótkizý kózdelgen bolatyn, biraq qazir áskerı vedomstvo qarýdyń eki túrin de birden satyp alý jóninde sheshim qabyldaǵan. Aıta ketý kerek, qazirgi ýaqytta Polshanyń áskerı-teńiz flotynyń qaramaǵynda sonaý 1960 jyldary jobalanǵan Kobben úlgisindegi tórt súńgýir qaıyq bar.
Ollandtyń reıtıngi kúrt kóterildi
Fransııa prezıdenti Fransýa Ollandtyń reıtıngi Parıjdegi ıslamıster shabýylynan keıin kúrt ósip ketken. Oǵan Fransýz qoǵamdyq pikirdi zertteý ınstıtýtynyń málimetteri aıǵaq bolyp otyr.
Bı-bı-sıdiń Parıjdegi tilshisi Hıý Skoýfıldtiń atap ótýine qaraǵanda, fransýz qoǵamy Parıjdegi birlik marshyn uıymdastyrýdaǵy rólin jáne onyń qaza tapqan úsh polıseımen qoshtasý rásimindegi sóılegen sózin qýattap qabyl alǵan. Buǵan deıin jumyssyzdyqtyń rekordtyq deńgeıi men ekonomıkalyq ósimniń álsizdigi aıasynda Ollandtyń reıtıngi eń tómengi deńgeıge deıin quldyrap ketken bolatyn. Osy oraıda, Parıjde oryn alǵan ıslamıster shabýyly saldarynan jalpy sany 17 adamnyń qurban bolǵanyn eske sala ketý kerek.
Qytaıdy qalyń qar basty
Aıta beretin «orys qysy» Qytaıǵa «qonaqqa kelgen» syńaıly. Reseıdiń birqatar qalalarynda qar erip jatsa, QHR-diń soltústiginde ústi-ústine qalyń qar jaýýda.
Keıbir joldar jabylyp qalsa, endi bir joldarda birneshe shaqyrymdarǵa sozylǵan keptelister oryn alýda. Eń qaýipti degen aımaqtarda júzdegen qutqarýshylar jumys istep jatyr. Jergilikti bılik ókilderiniń habarlaýyna qaraǵanda, polıseıler de kúsheıtilgen rejimde jumys isteýde. Osydan bir aptadaı buryn eldiń ońtústiginde de qalyń qar jaýǵan bolatyn. Muzdy jańbyr men qardan Iýnnan provınsııasyna kelgen shyǵyn kem degende 142 mln. dollardy qurap, 600 myńǵa tarta adam zardap shekken. Sonymen birge, jekemenshiktegi myńdaǵan bas mal men qus ta qyrylyp qalǵan edi.
Internet materıaldary negizinde ázirlendi.
Egıpettik bir áıel N5N1 qus tumaýynan qaıtys boldy. Osylaısha, jyl basynan beri osy eldiń bes azamaty atalmysh aýrýdyń qurbanyna aınalyp otyr.
2014 jyl ishinde munda osy vırýsty juqtyrǵan 11 adamnyń qaza bolýyna baılanysty bul jaǵdaı Dúnıejúzilik densaýlyq saqtaý uıymynyń alańdaýshylyǵyn týǵyzyp otyr. DDSU ókilderiniń aıtýynsha, memleket aýmaǵynda shynymen de N5N1 vırýsyn juqtyrý jaǵdaıy jıilep ketken. Olardyń sózderine qaraǵanda, aýrý juqtyrǵandar sanynyń ósýine maýsymdyq faktordyń sebep bolýy múmkin. О́ıtkeni, aýa raıynyń salqyn kezinde aýrý qozdyrǵyshy uzaq ómir súretin kórinedi. Onyń syrtynda, qus fermalary men mal sharýashylyǵy jumyskerleri atalmysh vırýsty juqtyrýǵa beıim keledi eken.
Bir tonnadan astam kokaın tárkilendi
Panamada esirtki kontrabandasyna qarsy kúres sheńberinde 1,1 tonnadan astam kokaın tárkilengen. Jergilikti bılik ókilderiniń habarlaýynsha, esirtki zatynyń iri partııasy Kolýmbııamen shekaralas jatqan Tıgr aralynan tabylǵan.
Panama arnaıy qyzmetiniń málimetterine qaraǵanda, kokaındy aralǵa Kolýmbııadan júrdek katermen jetkizgen. Kontrabandashylar júkterin tastaı salyp, ózderi qashyp ketken kórinedi. Qazirgi ýaqytta olardy izdestirý jumystary júrgizilýde. Esirtki saýdalaýshylar Eýropa elderinen AQSh-qa esirtki partııalaryn jetkizý úshin Panama aýmaǵyn paıdalanýǵa tyrysady eken. Soǵan oraı, Panama úkimeti sońǵy jyldary AQSh jaǵalaý kúzetiniń qoldaýymen kontrabandashylarǵa qarsy kúres operasııalaryn aıtarlyqtaı kúsheıte tústi.
Twitter-ge tosqaýyl qoıamyz deıdi
Túrkııa úkimeti áleýmettik jeliniń oppozısııalyq gazet akkaýntyn jabýdan bas tartýyna baılanysty elde Twitter-ge tosqaýyl qoıatyndyǵyn aıtyp, eskertip otyr.
Eldiń Adana qalasynyń soty aqparat agenttikteri men gazetterdiń Sırııa aýmaǵyna gýmanıtarlyq kómek jetkizýdi jazýyna jáne olarǵa túsinik berýine tyıym salǵan. Jergilikti BAQ-tar qarý-jaraq tıelgen júk kólikteriniń Sırııaǵa úkimet kúshterimen kúresý úshin jetkizilgenin jazǵan bolatyn. Túrik ókimeti bul aqparatty teriske shyǵaryp otyr. Olardyń aıtýynsha, kerýen Sırııanyń beıbit turǵyndaryna gýmanıtarlyq kómek jetkizgen. Túrik bıliginiń pikirinshe, jergilikti BAQ-tardyń mundaı qylyǵy ulttyq qaýipsizdikke qaýip tóndiredi. Sondyqtan da atalmysh taqyrypty jazýǵa tyıym salynyp otyr.
Súńgýir qaıyq pen zymyran alýǵa nıetti
Polshanyń qorǵanys mınıstrligi myńdaǵan shaqyrym qashyqtyqqa jetetin jáne dáldigi 3-5 metrdi quraıtyn úsh súńgýir qaıyq pen qanatty zymyrandar satyp alýǵa nıetti. Bul týraly Polsha radıosy habarlaǵan.
Osy maqsattar úshin el 8 mıllıard zlotyh (shamamen 1,9 mlrd.eýro) jumsamaq. Alǵashynda eki jekelegen tender ótkizý kózdelgen bolatyn, biraq qazir áskerı vedomstvo qarýdyń eki túrin de birden satyp alý jóninde sheshim qabyldaǵan. Aıta ketý kerek, qazirgi ýaqytta Polshanyń áskerı-teńiz flotynyń qaramaǵynda sonaý 1960 jyldary jobalanǵan Kobben úlgisindegi tórt súńgýir qaıyq bar.
Ollandtyń reıtıngi kúrt kóterildi
Fransııa prezıdenti Fransýa Ollandtyń reıtıngi Parıjdegi ıslamıster shabýylynan keıin kúrt ósip ketken. Oǵan Fransýz qoǵamdyq pikirdi zertteý ınstıtýtynyń málimetteri aıǵaq bolyp otyr.
Bı-bı-sıdiń Parıjdegi tilshisi Hıý Skoýfıldtiń atap ótýine qaraǵanda, fransýz qoǵamy Parıjdegi birlik marshyn uıymdastyrýdaǵy rólin jáne onyń qaza tapqan úsh polıseımen qoshtasý rásimindegi sóılegen sózin qýattap qabyl alǵan. Buǵan deıin jumyssyzdyqtyń rekordtyq deńgeıi men ekonomıkalyq ósimniń álsizdigi aıasynda Ollandtyń reıtıngi eń tómengi deńgeıge deıin quldyrap ketken bolatyn. Osy oraıda, Parıjde oryn alǵan ıslamıster shabýyly saldarynan jalpy sany 17 adamnyń qurban bolǵanyn eske sala ketý kerek.
Qytaıdy qalyń qar basty
Aıta beretin «orys qysy» Qytaıǵa «qonaqqa kelgen» syńaıly. Reseıdiń birqatar qalalarynda qar erip jatsa, QHR-diń soltústiginde ústi-ústine qalyń qar jaýýda.
Keıbir joldar jabylyp qalsa, endi bir joldarda birneshe shaqyrymdarǵa sozylǵan keptelister oryn alýda. Eń qaýipti degen aımaqtarda júzdegen qutqarýshylar jumys istep jatyr. Jergilikti bılik ókilderiniń habarlaýyna qaraǵanda, polıseıler de kúsheıtilgen rejimde jumys isteýde. Osydan bir aptadaı buryn eldiń ońtústiginde de qalyń qar jaýǵan bolatyn. Muzdy jańbyr men qardan Iýnnan provınsııasyna kelgen shyǵyn kem degende 142 mln. dollardy qurap, 600 myńǵa tarta adam zardap shekken. Sonymen birge, jekemenshiktegi myńdaǵan bas mal men qus ta qyrylyp qalǵan edi.
Internet materıaldary negizinde ázirlendi.
