Bas qalada negizinen qurylys materıaldary, tamaq ónimi men sýsyn, mashına jasaý jaqsy damyp keledi. Respýblıka boıynsha metaldan jasalǵan qurylys materıaldaryn, qoldanýǵa daıyn beton jáne betonnan jasalǵan ónimderdi shyǵarýdan kóshbasshy bolyp júr. Oǵan qosa qurylys metall konstrýksııalaryn, radıatorlar men ortalyq jylytý qazandyqtary jáne qondyrǵylardy óndirýdegi úlesi de basqalardan basym.
№1 Indýstrıaldy park terrıtorııasynda el ekonomıkasyna orasan zor úles qosyp kele jatqan eleýli iri jáne orta kásiporyndar jumys istep tur. Olardyń qatarynda «Lokomotıv qurastyrý zaýyty» AQ, «Elektrovoz qurastyrý zaýyty» JShS, «Taý-ken Altyn» JShS munaı óńdeý zaýyty, «Qazaqstan qubyr zaýyty» JShS, «Alkon+» JShS, «JFoodKazakhstan» JShS, «JfoodProduction» JShS, «ModeX Astana» JShS, «GLB» JShS, toqyma óndirisi JShS, «Paramount Engineering» JShS, «Evrokopter Kazahstan ınjınırıng» JShS sııaqty kásiporyndar bar.
Jalpy alǵanda, 110 joba júzege asyrylyp jatyr. Onyń 57-si paıdalanýǵa berilgen. Nátıjesinde, 5 543 turaqty jumys orny ashylypty. Parktegi kásiporyndardyń ónim kólemi megapolıstegi óńdeý ónerkásibiniń jalpy kóleminiń shamamen 70%-yn quraıdy eken. Byltyr óńdeý óniminiń kólemi 7,434 mlrd teńgege jetip jyǵylǵan. Aldaǵy úsh jylda qalǵan 53 joba iske asyrylady. Jospar boıynsha aldaǵy ýaqytta park aýmaǵynda iske qosylatyn kásiporyndarda jalpy 2 574 turaqty jumys orny qurylmaq.
О́tken jyly «Astana – jańa qala» arnaıy ekonomıkalyq aımaǵyndaǵy (AEA) óndirilgen ónim kólemi – 5,2 mlrd teńge, eksport kólemi – 106 mlrd teńge, olardan túsken salyq túsimi 186 mlrd teńge bolǵan. Shyǵarylatyn ónimderdiń kóbi kólik jasaý salasyna qatysty dúnıeler: elektrtasyǵysh, lokomotıv, qozǵaltqysh, brondy tehnıka, kommýnaldy tehnıka, lıft pen vagondar. Metallýrgııa salasynda altyn óndiriledi. Sonymen birge qurylys salasyna qajetti taýarlar jasalady.
Jalpy, «Astana – jańa qala» AEA qurylǵaly beri birqatar nátıjege qol jetkizildi. О́ndiris kólemi – 7 434 mlrd teńge, onyń ishinde 2023 jylǵy úles 1 150,85 mlrd teńge bolǵan. Al eksport kólemi 140,15 mlrd teńgege jetken. Onyń 40,38 mlrd teńgesi ótken jyldyń úlesinde. Salyq shegerimderiniń kólemi – 230,29 mlrd teńge. Bul somanyń 56,99 mlrd teńgesi ótken jylǵa tıesili.
Keleshekte Astanada qurylatyn kásiporyndardyń biri – «Tiryaki Agro» (Túrkııa) jobasy negizinde salynatyn bıdaıdy tereń óńdeıtin keshendi zaýyt. Kásiporynnyń ózindik quny – 99 mlrd teńge. Zaýyt bir jylda 240 myń tonna bıdaıdy óńdep shyǵarý qýatyna ıe. Búginde óndiris kesheni ornalasatyn 20 gektar jer telimi anyqtaldy.
Sonymen qatar «Qazaqstanda astyq jáne burshaq daqyldaryn tereń óńdeý boıynsha ıntegrasııalanǵan agroónerkásip keshenin salý» ınvestısııalyq jobasyn iske asyrýdyń Jol kartasy ázirlenip, bekitildi. Bul jol kartasynyń negizinde elordada agrarlyq sala boıynsha birneshe ıgi jumys qolǵa alynbaq.
Al «Cynosure» JShS kompanııasynyń jobasymen birinshi kezeńde 200 tósektik emdeý-saýyqtyrý jáne emdik deneshynyqtyrý keshenin salý isi júzege asyrylady. Kompanııa Syrtqy ister mınıstrligimen 2020 jyly Astana qalasynda 2,3 gektar aýmaqqa quny 5 mlrd teńge bolatyn keshen salýǵa kelisim jasaǵan edi. Ol jer telimi megapolıstiń Nura aýdanyndaǵy Syǵanaq kóshesi men Turan dańǵyly qıylysynda ornalasqan. О́kinishke qaraı, Kishi Taldykólge qatysty sot úderisterine baılanysty joba boıynsha jumys júrgizý 2023 jylǵa deıin toqtatylǵan edi. О́ıtkeni ákimshilik ister jónindegi sot alqasynyń qaýlysymen Kishi Taldykól tobyndaǵy jer telimderinde qurylys jumystarynyń kez kelgen túrin, onyń ishinde jasandy toltyrýdy júrgizýge tyıym salynǵan. Alaıda bul tyıym Joǵarǵy sottyń 2023 jylǵy sheshimimen qaıta alynyp tastaldy.
Túrli kúresinnen ótken kompanııa atalǵan jobany iske asyrýdy qaıta qolǵa aldy. Qazir joba tehnıkalyq sharttardy alý jáne aldyn ala jobany ázirleý satysynda tur. Onyń ekinshi kezeńinde quny 360 mln dollardan asatyn medısınalyq ortalyq qurýdy kózdeıdi. Jobany júzege asyrý úshin ınvestor taǵy 5-ten 12 gektarǵa deıingi jer telimin surady. О́z kezeginde Astana ákimdigi jalpy kólemi 12 gektar jer telimin Nura aýdanynan usyndy.
Búginde elordada ondaǵan ındýstrıaldy kásiporyn jyldan-jylǵa qanat jaıyp, ónimdi tereń óńdeıtin, ýaqyt talabyna saı óndiris oryndaryn ashyp jatyr. Bul zaýyt-fabrıkalar bir Astananyń ǵana emes, búkil el ekonomıkasyn órkendetýdiń aldyńǵy leginde bolary anyq.
