Jambyl oblysynda AN-2 ushaǵy apatqa ushyrady

ASTANA. 21 qańtar. Jambyl oblysyndaǵy «Shatyrkól ken orny mańynda «Balqash-Shatyrkól» baǵyty boıynsha ushyp bara jatqan An-2 ushaǵy qulap, 6 adam qaza tapty. Bul týraly Tótenshe jaǵdaılar komıtetiniń baspasóz qyzmeti habarlady. Ushaq qulaǵan aýdanǵa «Qazaqmys» korporasııasy» JShS «Shatyrkól» ken orny qaýipsizdik qyzmetiniń qyzmetkerleri, Qaraǵandy jáne Jambyl oblystary tótenshe jaǵdaılar departamentteriniń qutqarý bólimsheleri jáne Jambyl oblystyq ishki ister departamentiniń jedel-tergeý toby bardy. «Qazaqmys» korporasııasy» JShS «Shatyrkól» ken ornynyń kúshimen júrgizilgen izdestirý-qutqarý jumystarynyń nátıjesinde qulaǵan ushaq ken ornynan 20 shaqyrym jerden tabyldy. Ushaqtyń qulaýynan ekıpajdyń 3 múshesi, sondaı-aq 3 jolaýshy qaza boldy. Al Ushaq qulaǵan orynda tiri qalǵan bir áıel aýrýhanaǵa jetkizildi. Qazirgi tańda Tótenshe jaǵdaılar komıteti apattyń sebebine qatysty boljamdy aqparat jarııalady. Habarlamada kórsetilgendeı, ústimizdegi jyldyń 20 qańtarynda saǵat 15.40-ta, aldyn ala jasalǵan boljam boıynsha ushaq qonýǵa taıaǵanda qalyń tuman saldarynan jerge soǵylǵan. Apatqa qatysty zańda kórsetilgen tártipke sáıkes, tergeý amaldaryn Jambyl oblysy ishki ister departamentiniń jedel-tergeý toby júrgizip jatyr. Joldybaı Bazar. Derek: Tótenshe jaǵdaılar komıtetiniń baspasóz qyzmeti. Sýret: kaz.gazeta.kz.