Basty maqsat – úıleri turýǵa jaramsyz bolyp qalǵan barlyq azamatty turǵyn úımen qamtamasyz etý. Sońǵy eki aıda 90-ǵa jýyq otbasy jańa páterge ıe bolǵan.
Aıta keteıik, Astana kúni qarsańynda Kókshetaý qalasynda sý tasqynynan zardap shekken 7 otbasy baspanaly bolǵan edi. Sonymen qatar 26 kópbalaly ana da jańa turǵyn úıdiń ıegeri atanǵan.
Múlikti óteýmen qatar, olardy qaýipsiz aımaqtarǵa kóshirý boıynsha jumystar júrgizilip jatyr. Bul maqsatta Atbasarda eki 100 páterli turǵyn úıdiń qurylysy aıaqtalyp, taǵy bir úıdiń qurylysy júrip jatyr. Sonymen qatar Bulandy, Jarqaıyń jáne Esil aýdandarynda jeti jeke úı salynyp jatyr. Bulandy aýdanynda taǵy 58 úıdiń qurylysy osy aıda bastalady.
QR О́nerkásip jáne qurylys mınıstrliginiń Ahýaldyq ortalyǵy málimdegendeı, Aqmola oblysynda barlyǵy 1 265 nysanda tehnıkalyq zertteý júrgizilip, onyń nátıjeleri boıynsha kelesi sharalar josparlanǵan:
- 331 turǵyn úı salý – 273-i bastalǵan;
- 220 turǵyn úı satyp alý – 216 úı satyp alynǵan;
- 714 turǵyn úıge jóndeý jumystaryn júrgizý.
