Foto:ernur.kz
Polısııa departamentiniń baspasóz qyzmeti habarlaǵandaı, jol apaty Aıyrtaý aýylynyń mańynda bolǵan. Mercedes-Benz kóliginiń ıesi 42 jastaǵy áıel jedel járdem kóliginde jan tapsyrǵan. Onyń 39 jastaǵy kúıeýi jol-kólik oqıǵasy ornynan ortalyq oblystyq aýrýhanaǵa jetkizilgen.
Densaýlyq saqtaý basqarmasynyń baspasóz qyzmeti málimdegendeı, er adam komada jatyr. Sanıtarlyq avıasııa qyzmeti arqyly aımaqqa neırohırýrg, nevropatolog pen travmatolog mamandary dereý jetken.
«Polısııa qyzmetkerleri sotqa deıingi tergeý amaldaryn júrgizip jatyr. Jol-kólik oqıǵasynyń barlyq mán-jaıyn zerdeleýge baǵyttalǵan jumystar bastalyp ketti, olardyń qorytyndysy boıynsha sońǵy prosessýaldyq sheshim qabyldanady», dep habarlady polısııanyń baspasóz qyzmeti.
