Jańartylǵan saılaý júıesi túsindirildi

Semınar-keńester jergi­likti saılaý komıssııalary múshe­leriniń saılaý jáne referendým týraly zańna­many testileýden bastaldy. Testileý nátıjeleri boıynsha N.Ábdirov saılaý naýqan­daryn aqparattyq súıemeldeý jáne taǵaıyndaý, ákimder men máslıhattar depý­tat­tyǵyna kandıdattardy usyný jáne tirkeý, kandıdattar men saıası partııalardyń senim bil­dirilgen adamdarynyń, baıqaý­shylarynyń quqyqtary men min­det­teri, saılaý aldyndaǵy úgit, daýystardy sanaý, saılaý men referendýmdar qorytyn­dy­l­aryn shyǵarý máselelerine qatys­ty oqytý júrgizýdi tapsyrdy.

Keńes barysynda OSK tór­­aǵa­sy saılaý júıesindegi aýqymdy ózgeristerdi atap ótip, 2025 jyldan bastap aýdan ákim­derin saılaýǵa jáne bıyl kúzde shyǵyp qalǵandardyń ornyna máslıhattardyń depýtattaryn saılaýǵa baılanysty máselelerdi egjeı-tegjeı túsindirdi.

Sonymen qatar keńeste materıaldyq-tehnıkalyq ja­raqtan­dyrý, múgedektigi bar adamdardyń saılaý quqyqta­ryn qamtamasyz etý, saılaý sala­syndaǵy sheteldik tájirı­be máse­leleri talqylanyp, «Respýb­lıkalyq referendým týraly» Konstıtýsııalyq zańǵa en­gizilgen ózgertýler men tolyq­tyrýlar túsindirildi. OSK-nyń strategııalyq perspektıvalary men basymdyqtaryna toqtalǵan N.Ábdirov: «Bas­ty basymdyǵymyz – saılaý­shylardyń senimi», dedi.

Aýdandardyń jas saılaýshylarymen kezdesýlerde OSK basshysy Qazaqstannyń jańar­tylǵan saılaý júıesi­niń erekshelikteri, saılaý sala­syn­daǵy ózekti trendter men halyqaralyq tájirı­be, basqa elderdegi saı­laýlar men referendýmdardy OSK halyqaralyq baıqaýy týraly aıtty. Kez­desýlerge qatysýshylar saılaý taqyryptaryna qatysty bel­sen­di pikirtalas ótkizdi. Aýyl jastary qyzyqty pikir aı­typ, túrli suraqtar qoıdy. Máse­len, Jarma aýdanynyń jas mamany Á.Meıirjanuly basqa elderdiń ortalyq saılaý organdary arasyndaǵy yntymaqtastyqty keńeıtý máselelerine qyzyǵýshylyq tanytsa, Besqaraǵaı aýdanynda jas zańger A.Antonova Majar elin úlgi ete otyryp, 16 jastan bas­tap daýys berýdi engizýdiń oryn­dylyǵy týraly suraq qoıdy. A.Mııatova daýys berý kezinde stýdentterdi yqtımal qysymnan qorǵaý ádisteri týraly surady. Jas oqytýshy S.Ys­qaqova saılaýshylar úshin daýys berýdiń balamaly túrlerin engizý­diń mańyzdylyǵy týraly aıtyp, olardyń, ásirese qarııa­larǵa yńǵaılylyǵyn atap ótti.

Kezdesýde jastar saılaý salasynyń ózekti máseleleri jaıynda dástúrge aınal­ǵan onlaın-saýalnamaǵa bel­sendi qatysty. Al belsen­di qatysýshylarǵa «QR saılaý týraly» Konstıtýsııalyq zań­ǵa túsinikteme, «Ortalyq saılaý komıssııasyna – 30 jyl. Qazaqstannyń saılaý júıesiniń transformasııasy» atty monografııa, 2012-2023 jyldar aralyǵynda ótkizilgen saılaý jáne referendýmdar týraly aqparattyq jınaǵynyń ekinshi tomy tapsyryldy.