Foto: halyq-uni.kz
Jyl saıynǵy dástúrge saı Astana qalasy Jumyspen qamtý jáne áleýmettik qorǵaý basqarmasy túlekterge qalanyń joǵary oqý oryndarynda kúndizgi oqý nysanyn tóleýge áleýmettik kómek kórsetedi.
Qujat qabyldaý naýqany 1 shildede bastalyp, 23 tamyzda aıaqtalady.
Áleýmettik kómek Astana túlekteriniń kelesi sanattaryna kórsetiledi:
- jetim balalar;
- balalar úıiniń túlekteri;
- bala kezinen múgedektigi bar adamdar;
- ata-anasynyń qamqorlyǵynsyz qalǵan balalar;
- kóp balaly otbasylardan shyqqan balalar (onyń ishinde osy jyly úlken bala - kámeletke tolǵan kezde bilim berý uıymdaryna kúndizgi oqý nysanyna túskenge deıin);
- asyraýshysynan aırylý jaǵdaıy boıynsha memlekettik járdemaqy alatyn azamattar.
Áleýmettik kómek alýǵa nıetti túlek ótinishpen birge, kelesi qujattardy qosa usynýy qajet:
1) jeke basyn kýálandyratyn qujat;
2) jıyntyq tabysty esepteý qaǵıdalaryna sáıkes adamnyń (otbasy músheleriniń) tabystary týraly málimetter;
3) ata-anasynyń qaıtys bolýy týraly kýáliktiń kóshirmesi (jetim balalar úshin);
4) kóp balaly otbasynyń mártebesin rastaıtyn qujattyń kóshirmesi (kóp balaly otbasylardan shyqqan balalar úshin);
5) týý týraly kýáliktiń kóshirmesi (jetim balalar úshin);
6) Astana qalasynyń orta mektebin bitirgeni týraly attestat;
7) ulttyq biryńǵaı testileý nátıjeleri boıynsha berilgen memlekettik sertıfıkat.
8) Ekinshi deńgeıdegi banktegi ne «Qazposhta» aksıonerlik qoǵamyndaǵy banktik shottyń nómiri týraly málimetter.
Áleýmettik kómektiń mólsheri jan basyna shaqqandaǵy ortasha tabysy otbasynyń bir múshesine shaqqanda 4 kúnkóris deńgeıinen aspaıtyn aqshalaı tólem túrinde taǵaıyndalady.
Ákimdik eńbek naryǵynda suranysqa ıe 36 mamandyq boıynsha tólem jasaıtynyn aıta ketý kerek.
