Atyraýdaǵy kitaphanaǵa Salyq Zımanov týraly kitaptar tabystaldy

ATYRAÝ. 21 qańtar. Atyraý oblystyq Ǵ.Slanov atyndaǵy ǵylymı ámbebap kitaphanada qoǵam qaıratkeri, kórnekti ǵalym Salyq Zımanov týraly jaryqqa shyqqan qos kitap  tabystaldy. Bul týraly egemen.kz tilshisi habarlady. Ekinshi dúnıejúzilik soǵystan aman oralyp, oblystyq, keıinnen respýblıkalyq prokýratýrada jemisti eńbek etken Salyq Zımanov osy salada doktorlyq dıssertasııa qorǵaǵan. Zań ǵylymynyń damýyna laıyqty úlesin qosqan zańǵar zańger shákirt tárbıeledi, táýelsiz Qazaqstannyń memlekettiligin qalyptastyrýǵa da erinbeı eńbek etti. Zańǵar zańgerdiń ǵalymdyq, azamattyq ómir joly barshany qyzyqtyrady. Onyń salıqaly oı-tolǵamdary, tulǵa retindegi qalyptasý kezeńi «Salyk Zımanov. Materıaly ı bıblıografıı» jáne «Ǵylymdaǵy ǵasyr abyzy, akademık Salyq Zımanov» atty zertteý kitaptaryna arqaý bolǵan. Bul kitaptarda zańǵar zańgerdiń Elbasy Nursultan Nazarbaevqa arnap jazǵan hattary, usynys-pikirleri toptastyrylǵan. Sonymen birge, «Salyq Zımanov ómirinen ómirinen bir kún» degen bólimde onyń egemen el deklarasııasy qatysty áńgimeleri, qazaq tiliniń búgingi qoldanysy men bolashaǵy haqyndaǵy oılary oqyrman qyzyǵýshylyǵyn týdyrady. Osy kitaptardyń jaryq kórýine yqpal etken senator Sársenbaı Eńsegenov «Salyq aǵamyzdyń: «Elbasy meniń sózimdi qýattap, ornynan on bir ret kóterildi» degen sózin tebirenispen oqydym» degen pikirimen bólisti. Aıtqandaı, qos kitaptyń avtory – tarıh ǵylymdarynyń doktory, professor Ilııas Qozybaev. Tarıhshy ǵalymnyń akademık týraly zertteý kitaptaryn Parlament Senatynyń depýtaty Sársenbaı Eńsegenov Ǵ.Slanov atyndaǵy oblystyq ǵylymı ámbebap kitaphanaǵa tapsyrdy. Sonymen birge, Salyq Zımanov bilim alǵan Jambyl atyndaǵy №21 orta mekteptiń kitaphanasyna da osyndaı kitaptar tartý etildi. Joldasbek Shópeǵul. Derek: egemen.kz. Sýret: Rahym Qoılybaev.