Onyń sózinshe, marqumnyń artynda eki balasy qalǵan.
- Aryqtaımyn dep ajal qushty. Almatylyq 47 jastaǵy áıel ishtegi maıdy aldyramyn dep arty qaıǵyly jaıtqa ushyrady. Otadan keıin kózin ashyp, týystaryna selfı foto jibergen áıeldiń jaǵdaıy keshke kúrt nasharlaıdy. Aqyry júregi toqtap, qaıtys boldy. Artynda 2 balasy, jary qaldy, - dedi jýrnalıst.
Kóz jumǵan áıel uzaq jyldyq eńbek ótili bar muǵalim bolyp shyqty.
- 25 jyl mektepte jumys istegen marqum "Ulaǵatty ustaz" degen medal ıesi. Operasııa jaıly uzaq zerttep, tańdaǵan klınıkamen 1,6 aıdan beri úzdiksiz keńes júrgizip otyrǵan. Otaǵa barlyq analızderi laıyq bolǵan. Plastıkalyq hırýrgter lıpoksasııadan soń densaýlyqtyń asqynýy múmkin ekenin eskertpedik dep moıyndap otyr. Sonda qalaı? - dedi Gúlmıra Ábiqaı.
Buǵan qatysty Almaty Polısııa departamentiniń resmı ókili túsinik berdi.
«Atalǵan derek boıynsha Bostandyq aýdandyq polısııa basqarmasy is qozǵady. Adam óliminiń sebep-saldaryn anyqtaý maqsatynda sot-medısınalyq saraptama taǵaıyndaldy. Sodan keıin prosessýaldyq sheshim qabyldanady", - dedi Saltanat Ázirbek.
