Foto: gov.kz
Osyǵan baılanysty, 2014 jylǵy 26 jeltoqsanda Qazaqstan Respýblıkasynyń 2015-2025 jyldarǵa arnalǵan sybaılas jemqorlyqqa qarsy jańa strategııasy bekitildi. Atalǵan strategııanyń maqsaty memlekettiń sybaılas jemqorlyqqa qarsy saıasatynyń tıimdiligin arttyrý, sybaılas jemqorlyqtyń kez kelgen kórinisterine «nóldik» tózimdilik atmosferasyn qurý arqyly búkil qoǵamdy sybaılas jemqorlyqqa qarsy qozǵalysqa tartý jáne memleketimizde sybaılas jemqorlyqtyń deńgeıin tómendetý bolyp tabylady. Sybaılas jemqorlyqqa qarsy is-qımyldyń negizgi baǵyttary:
- Memlekettik qyzmet salasyndaǵy sybaılas jemqorlyqqa qarsy is-qımyl;
- Kvazımemlekettik jáne jeke sektordaǵy sybaılas jemqorlyqqa qarsy is-qımyl;
- Qoǵamdyq baqylaý ınstıtýtyn engizý;
- Quqyq qorǵaý jáne sot organdarynda sybaılas jemqorlyqtyń aldyn-alý;
- Sybaılas jemqorlyqqa qarsy mádenıet deńgeıin qalyptastyrý;
- Sybaılas jemqorlyqqa qarsy is-qımyl máseleleri boıynsha halyqaralyq yntymaqtastyqty damytý.
Sybaılas jemqorlyqqa qarsy tótep berý úshin kelesideı negizdemeler boıynsha júzege asyrylady:
- Zań men sot aldyndaǵy barlyǵynyń teńdigi;
- Jeke jáne zańdy tulǵalardyń quqyqtary men zańdy múddelerin, sondaı-aq memlekettiń áleýmettik-ekonomıkalyq, saıası-quqyqtyq, uıymdyq-basqarý júıelerin qorǵaý basymdyǵy;
- Jeke jáne zańdy tulǵalardyń buzylǵan quqyqtary men zańdy múddelerin qalpyna keltirý, sybaılas jemqorlyq quqyq buzýshylyqtardyń zııandy saldaryn joıý jáne aldyn alý;
- Kásipkerlik qyzmetti memlekettik retteýge ókilettikterdi osyndaı qyzmetti júzege asyratyn jeke jáne zańdy tulǵalarǵa berýge, sondaı-aq ony baqylaý men qadaǵalaýǵa jol berilmeıdi;
- Memlekettik organdardyń qyzmetin naqty quqyqtyq reglementteýdi, osy qyzmettiń zańdylyǵy men jarııalylyǵyn, oǵan memlekettik jáne qoǵamdyq baqylaýdy qamtamasyz etý.
Joǵarydaǵylardy qorytyndylaı kele, sybaılas jemqorlyqqa qarsy is-qımyl maqsatyna qol jetkizý úshin sybaılas jemqorlyq quqyq buzýshylyqtarǵa tótep beretin tetikterdi qoldana otyryp, óz-ózimizdiń aldymyzda shynshyl bolýǵa, ósip kele jatqan urpaqtyń sanasyna durys oıdy toqýǵa kúsh salýymyz kerek. Birigip sybaılas jemqorlyqqa tótep berý árbirimizdiń mindetimiz.
Aıdyn ADENOV,
Qazaqstan Respýblıkasynyń Sot ákimshiligi
Áskerı soty departamentiniń
Ishki qaýipsizdik bóliminiń bas mamany
