Foto:gov.kz
Sýdaǵy qaýipsizdikti qamtamasyz etý úshin Qaraǵandy oblysynda 10 mobıldi top qurylyp, tehnıka men júzý quraldary daıyndalǵan. Sonymen qatar óńirdiń bilim basqarmasy lager aýmaqtarynda ornatylatyn modýldik-qańqaly basseınderdi satyp alǵan.
Qaýipsizdik sharalary qamtamasyz etilgenimen jaz mezgiliniń basynan beri Buqar jyraý aýdanynda kámeletke tolmaǵan eki qyz Nura ózenine batyp ketken. Anyqtalǵandaı, jasóspirimder tyıym salynǵan jerde sýǵa túsken.
О́ńirlik kommýnıkasııalar qyzmetiniń alańynda ótken brıfıngte demalys kezinde balalardyń qaýipsizdigin qamtamasyz etý máselesi talqylanǵan.
«1 mamyrda tótenshe jaǵdaılar qyzmetiniń bólimsheleri aýqymdy profılaktıkalyq jumystardy bastady. Polıseılermen birlesip, sý qoımalarynda 1300-den astam reıd, turǵyndarmen 50 myńǵa jýyq profılaktıkalyq áńgimelesýler júrgizildi. Sýdaǵy qaýipsizdikti qamtamasyz etý úshin 96 adamnan turatyn 10 mobıldi top, 20 tehnıka jáne 25 sý kóligi daıyndaldy. Jumyspen qamtý ortalyqtary arqyly bizge kómektesý úshin 82 qoǵamdyq qutqarýshy oqytyldy. Biz ata-analardy balalaryn sý aıdyndaryna jalǵyz jibermeýge, jaǵajaıda baqylap otyrýǵa jáne úıde qaraýsyz qaldyrmaýǵa shaqyramyz. Sondaı-aq jyl basynan beri 14 bala kópqabatty úıdiń terezesinen qulaǵan», dedi Qaraǵandy oblysy TJD tótenshe jaǵdaılardy joıý bóliminiń bastyǵy Nurjan Jaqataev.
Qaıǵyly oqıǵalardyń aldyn-alý maqsatynda oblystyq bilim basqarmasy modýldik ramalyq basseınder satyp alǵan. Olar mektep jáne saıajaı lagerleriniń aýmaqtarynda ornatylǵan. Sondaı-aq jergilikti ustazdar men tárbıeshiler alǵashqy medısınalyq kómek kórsetý erejelerin úırengeni atap ótildi.
«9 saıajaı lagerinde 7 myńǵa jýyq bala saýyǵyp, taǵy 32 myń bala tamaqtandyrylǵan mektep janyndaǵy lagerlerde jáne 110 myń bala tamaqsyz lagerlerde emdeledi. Muǵalimderge kómektesý úshin pedagogıkalyq ujymdardan 200 stýdent tartyldy. Jaz mezgilinde barlyq oblystar men qalalarda «Qaýipsiz jaz», «Qaýipsiz attraksıon», «Qaýipsiz lager» profılaktıkalyq aksııalary ótip jatyr. О́ńirde 10 modýldi qańqaly basseın ornatyldy», dedi brıfıngte bilim basqarmasynyń bas mamany Sarqyt Úsenova.
Sonymen qatar mektep jáne saıajaı lagerleriniń qyzmetkerleri kámeletke tolmaǵandar arasyndaǵy qylmystyń aldyn alý jáne jazǵy ýaqytta qaýipsizdikti qamtamasyz etý boıynsha semınarlarǵa qatysqandary atap ótildi.
Jazǵy demalystyń sońyna deıin oblys boıynsha 160 myń oqýshyny demalyspen qamtý kózdelgen.
