Aýyl sharýashylyǵy: Derek pen dáıek

Oblystyq statıstıka depar­tamentiniń málimetterine sáıkes, osynyń 10962,9 mln. teńgesi mal sharýashylyǵynyń úlesine tıedi, mundaǵy ónim kólemi 1,5 paıyzǵa ósti. Jyl basynan beri tirileı salmaqpen alǵanda, 24,0 myń tonna et (103,2 paıyz), 75,9 myń tonna sút (101,5 paıyz), 50,4 mln. dana jumyrtqa (119,7 paı­yz) óndirildi. Et óniminiń 16,3 paıyzy – Jańaqala, 15,6 paıy­zy – Zelenov, 11,7 paıyzy Aq­jaı­yq aýdanynyń enshisinde bol­sa, sút óndirýshiler negizinen Terekti (18,5 paıyz), Zelenov (15,6 paı­yz), Bórli (12,8 paıyz) aýdan­darynda shoǵyrlanǵan. Jumyrt­qanyń 58,0 paıyzyn Oral qalasy mańyndaǵy sharýa­shy­­lyqtar, 15,9 paıyzyn Ze­le­nov aýdany sha­rýashylyqtary óndiredi. О́ńirde iri qaradan basqa mal basy ósip otyr. Qazirgi kezde ob­lysta 509,0 myń bas iri qara (ót­ken jylǵy osy kezben salys­tyr­ǵanda 98,3 paıyz), 878,2 myń qoı (105,2 paıyz), 251,6 myń eshki (104,8 paıyz), 74,5 myń jylqy (106,7 paıyz), 3,8 myń túıe (100,6 paıyz), 31,2 myń shoshqa (100,4 paıyz), 969 myń qus (98,4 paıyz) baǵylýda.

Temir QUSAIYN. Batys Qazaqstan oblysy. 

1 000 000 000 О́tken jyly Almaty qalasynyń aınalasynda  azyq-túlik qaýipsizdigin qamtamasyz etý maqsatymen  uıymdastyrylǵan jármeńkelerde tutynýshyǵa  osynshama teńgeniń azyq-túligi jetkizilipti. Memleket basshysynyń tap­syr­masymen Almaty qalasynyń aınalasynda azyq-túlik beldeýin qurý tapsyrmasyna oraı jetisý­lyq­tar uıymdastyrǵan jár­meń­ke jańa maýsymdaǵy jumysyn bastady. Jyl saıyn tájirıbe jınaqtaǵan óńirdegi  shaǵyn jáne orta kásip ıeleri men sha­rýa qojalyqtary óndirgen eko­logııalyq jaǵynan taza ónim­derin tutynýshyǵa usyndy. Qazirgi kezde óńirde 317 jy­ly­jaı jumys istese, ótken mer­zimde olardan 1035 tonna ónim jınaldy. Jármeńkege bul joly jetisýlyq taýar óndirýshiler azyq-túliktiń 45 túrin ákelip, saýdalady. О́tken jyly óńir kásipkerleri 647 aýyl sharýa­shy­lyǵy jármeńkesin uıymdasty­ryp, 70-ten astam taýar túrin saý­dalaǵan edi. Ony qarjyǵa shaq­qanda 1 mlrd. teńgeni qurasa, 12 jármeńke tikeleı Almaty qalasynda ótkizildi.

Kúmisjan BAIJAN. Almaty oblysy.

571 456 000 Ústimizdegi jyly “Bıznestiń jol kartasy - 2020” baǵdarlamasy sheńberinde jergilikti kásipkerlerge maqsatty transfertter esebinen osynsha qarjy bólingen. Eger saralap aıtar bolsaq, atalmysh baǵdarlamadaǵy basym baǵytqa ıe bolyp otyrǵan nesıe paıyzyn sýbsıdııalaýǵa 179 mln. 184 myń, nesıelerdi kepilden­di­rý­ge 81 mln. 446 myń, al servıs­tik qyzmet kórsetýge 32 mln. 579 myń teńge qaralǵan. Sondaı-aq shetel rynogyna taýar tasymal­daý­shy­lardy qoldaýǵa 81 mln. 447 myń jáne ınfraqurylymdy damytý baǵytyna 196 mln. 800 myń teńge qarajat qarasty­rylǵan. Búginde Syr aımaǵynda 54 ındýstrııalyq-ınnovasııalyq joba iriktelip alynsa, aǵymdaǵy jyly osynyń 10-y júzege asy­rylmaq. Joǵarydaǵy jobalardy júzege asyrý barysynda 8 myńǵa jýyq jańa jumys oryndary ashylady degen boljam bar.

Erkin ÁBIL. Qyzylorda oblysy.